ଦ୍ରୌପଦୀ ମୁର୍ମୁଙ୍କୁ ଶୁଭେଚ୍ଛା ଜଣାଇଲେ ସ୍କୁଲ ଶିକ୍ଷକ
ଭୁବନେଶ୍ବର : ଭାରତର ୧୫ଶ ରାଷ୍ଟ୍ରପତି ଭାବେ ଓଡ଼ିଆ ଝିଅ ଦ୍ରୌପଦୀ ମୁର୍ମୁ ସୋମବାର ଦିନ ଶପଥ ଗ୍ରହଣ କରିଥିବା ବେଳେ ଓଡ଼ିଶାରେ ସବୁଠି ଉତ୍ସବର ମାହୋଲ। ଏହି ଅବସରରେ ଦ୍ରୌପଦୀଙ୍କ ସ୍କୁଲ ଶିକ୍ଷକ ବାସୁଦେବ ବେହେରା ଖୁସିବ୍ୟକ୍ତ କରିବା ସହ ତାଙ୍କୁ ଶୁଭେଚ୍ଛା ଓ ଆଶୀର୍ବାଦ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ସେ କହିଛନ୍ତି ଯେ ଆମ ଉପରବେଡ଼ା ମାଟିର ଜଣେ ସାଧାରଣ ଆଦିବାସୀ ଝିଅ ରାଷ୍ଟ୍ରପତି ଭାବେ ଭାବେ ଶପଥ ନେବା ଆମ ସମସ୍ତଙ୍କ ପାଇଁ ଏକ ଗୌରବର ଦିନ। ସେ ସୁସ୍ଥ ଓ ନିରୋଗ ରୁହନ୍ତୁ। ପ୍ରାର୍ଥନା କରୁଛି, ଭଗବାନ୍ ତାଙ୍କୁ ଅଧିକ ବଳ, ସାହସ ଓ ଧୈର୍ଯ୍ୟ ଦିଅନ୍ତୁ। ସମାଜସେବା ପାଇଁ ତାଙ୍କୁ ଅଧିକ ବ୍ରତୀ କରାନ୍ତୁ। ଏ ଗୌରବମୟ ପଦବିରେ ଥାଇ ସେ ଦେଶ ପାଇଁ ବହୁତ କିଛି କରିପାରିବେ। ଆମର ଏ ଐତିହ୍ୟପୂର୍ଣ୍ଣ, ବିଶାଳ ଭୂ-ଖଣ୍ଡ ଭାରତର ବହୁ ଉନ୍ନତି ସାଧନ କରିପାରିବେ।