ମଧ୍ୟାହ୍ନଭୋଜନ ଚାଉଳ ବିକ୍ରି ଘଟଣା: ପ୍ରଧାନଶିକ୍ଷକ ନିଲମ୍ବିତ

ଶେରଗଡ଼ : ଗଞ୍ଜାମ ଜିଲ୍ଲା ଶେରଗଡ଼ ବ୍ଲକ୍ ବାରସିଙ୍ଗି ଉଚ୍ଚପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ କାମରାଜୁ ସେଠୀଙ୍କୁ ମଧ୍ୟାହ୍ନଭୋଜନ ଚାଉଳ ହେରଫେର୍ ଅଭିଯୋଗରେ ଚାକିରିରୁ ନିଲମ୍ବନ କରାଯାଇଛି।

ଶ୍ରୀ ସେଠୀ ୫ ବସ୍ତା ଚାଉଳ ବିକ୍ରି କରିଥିବା ନେଇ ଗ୍ରାମବାସୀ ଶେରଗଡ଼ ବିଇଓଙ୍କ ନିକଟରେ ଅଭିଯୋଗ କରିଥିଲେ। ବିଇଓ ପ୍ରମୋଦ କୁମାର ସେନାପତି ବିଦ୍ୟାଳୟକୁ ଯାଇ ତଦନ୍ତ ସହ ପ୍ରଧାନଶିକ୍ଷକଙ୍କୁ କାରଣ ଦର୍ଶାଅ ନୋଟିସ୍ ଜାରି କରିଥିଲେ। ତାଙ୍କୁ ଚାକିରିରୁ ନିଲମ୍ବନ କରାଯାଇଥିବା ସହ ବିଇଓ କାର୍ଯ୍ୟାଳୟରେ ପ୍ରତିଦିନ ଉପସ୍ଥିତ ରହିବାକୁ ନିର୍ଦ୍ଦେଶ ଦିଆଯାଇଛି।