ପୁରୀର ପାରମ୍ପରିକ ହୋଲି ଉତ୍ସବରେ ଯୋଗଦେଲେ ହେମା ମାଳିନୀ

ପୁରୀ: ବରିଷ୍ଠ ଅଭିନେତ୍ରୀ ଏବଂ ବିଜେପି ସାଂସଦ ହେମା ମାଳିନୀ ପୁରୀରେ ବିଜେପି ନେତା ଏବଂ ସାଂସଦ ସମ୍ବିତ ପାତ୍ରଙ୍କ ଦ୍ୱାରା ଆୟୋଜିତ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ଯୋଗ ଦେଇ ମହାସମାରୋହରେ ହୋଲି ଉତ୍ସବ ପାଳନ କରିଛନ୍ତି।

ପରମ୍ପରା ଏବଂ ଉତ୍ସବର ମିଶ୍ରଣ ସହିତ ଆୟୋଜିତ ଏହି କାର୍ଯ୍ୟକ୍ରମରେ ହେବା ମାଳିନୀ ଫୁଲ ବାଲି, ଫଗୁଆ ନୃତ୍ୟ ଏବଂ ନାଗା ମେଢ଼ ପ୍ରଦର୍ଶନରେ ଅଂଶଗ୍ରହଣ କରିଥିଲେ। 

ଶନିବାର  ସକାଳେ, ସେ ଜଗନ୍ନାଥ ପୁରୀ ମନ୍ଦିରକୁ ଯାଇ ପୂଜାର୍ଚ୍ଚନା କରିଥିଲେ ଏବଂ ପ୍ରଭୁ ଶ୍ରୀଜଗନ୍ନାଥଙ୍କ ଆଶୀର୍ବାଦ ଭିକ୍ଷା କରିଥିଲେ।

ସେ କହିଥିଲେ, ପୁରୀରେ ହୋଲି ଉତ୍ସବ ପାଳନ କରି ମୁଁ ନିଜକୁ ଧନ୍ୟ ମନେ କରୁଛି। ମୁଁ ମଥୁରାରୁ ଆସିଛି.। ଗତକାଲି ଆମେ ମଥୁରାରେ ହୋଲି ପାଳନ କରିଥିଲୁ। ଆଜି, ଆମେ ଏଠାରେ ଉତ୍ସବ ପାଳନ କରୁଛୁ। ମୁଁ ଓଡ଼ିଶା ସରକାର, ଜନସାଧାରଣ ଏବଂ ସମ୍ବିତ ପାତ୍ରଙ୍କୁ ଏଠାରେ କରାଯାଇଥିବା ବ୍ୟବସ୍ଥା ପାଇଁ ଧନ୍ୟବାଦ ଜଣାଉଛି।

ବିଜେପି ସାଂସଦ ସମ୍ବିତ ପାତ୍ର କହିଛନ୍ତି, ହେମା ମାଳିନୀ ମଥୁରାରୁ ଶ୍ରୀଜଗନ୍ନାଥ ପୁରୀ ଆସିଛନ୍ତି। ଗତକାଲି ସେ ବୃନ୍ଦାବନ ମହୋତ୍ସବରେ ଅଂଶଗ୍ରହଣ କରିଥିଲେ ଏବଂ ଆଜି ସେ ଓଡ଼ିଶାର ପରମ୍ପରାକୁ ଅନୁସରଣ କରି ପୁରୀବାସୀଙ୍କ ସହିତ ବଡ଼ ଆନନ୍ଦର ସହିତ ହୋଲି ଉତ୍ସବ ପାଳନ କରୁଛନ୍ତି। 

ଅଧିକ ପଢ଼ନ୍ତୁ: ଚମ୍ପୁଆରେ ଗୋଟିଏ ପରିବାରର ୩ ଜଣଙ୍କ ପ୍ରାଣହାନି: ସହାୟତା ରାଶି ଘୋଷଣା କଲେ ମୁଖ୍ୟମନ୍ତ୍ରୀ

ତାଙ୍କ ଓଡ଼ିଶା ଗସ୍ତର ଅଂଶ ସ୍ୱରୂପ, ହେମା ମାଳିନୀ ମାର୍ଚ୍ଚ ୧୪ ତାରିଖରେ ଭୁବନେଶ୍ୱରରେ ପ୍ରସିଦ୍ଧ ବଂଶୀବାଦକ ପଣ୍ଡିତ ହରିପ୍ରସାଦ ଚୌରାସିଆଙ୍କ ଦ୍ୱାରା ଆୟୋଜିତ ବୃନ୍ଦାବନ ମହୋତ୍ସବରେ ନୃତ୍ୟ ପରିବେଷଣ କରିଥିଲେ। ହେମା ମାଳିନୀଙ୍କୁ ସମ୍ବିତ ପାତ୍ର  ପ୍ରଭୁ ଶ୍ରୀଜଗନ୍ନାଥଙ୍କ ଏକ ରୂପା ତାରକସୀ କଳାକୃତି ପ୍ରଦାନ କରିଥିଲେ। 

ଅଧିକ ପଢ଼ନ୍ତୁ: ୩ ବର୍ଷ ପରେ ବଦଳୁଛି ଯୁଦ୍ଧର ପାଣିପାଗ: ଯୁଦ୍ଧ ବନ୍ଦ ପାଇଁ ଚାଲିଛି ଉଦ୍ୟମ, ପୁଟିନଙ୍କ ସହ କଥା ହେଲେ ଟ୍ରମ୍ପ୍