ମାଣ୍ଡୁକା ଅଞ୍ଚଳରେ ହେଟାବାଘ ଆତଙ୍କ
ଚଣ୍ଡିଖୋଲ : ବଡ଼ଚଣା ବ୍ଲକ୍ ଅନ୍ତର୍ଗତ ମାଣ୍ଡୁକା ଅଞ୍ଚଳରେ ଏକ ହେଟାବାଘ ବୁଲୁଥିବା ପ୍ରଚାର ହେବା ପରେ ଭୟର ବାତାବରଣ ସୃଷ୍ଟି ହୋଇଛି। ସୂଚନା ମୁତାବକ, କୃଷ୍ଣଦାସପୁର-ରତ୍ନଗିରି ପୂର୍ତ୍ତ ବିଭାଗ ରାସ୍ତାର ପଦଲାପୁର ଛକରେ ଥିବା ଟୋଲଗେଟ୍ ନିକଟ ରାସ୍ତାରେ ଗତକାଲି ବିଳମ୍ବିତ ରାତିରେ ଏକ ହେଟାବାଘ ଯାଉଥିବା କର୍ମଚାରୀମାନେ ଦେଖିଥିଲେ। ଆଜି ସକାଳେ ଏହା ପ୍ରଚାର ହେବାରୁ ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଛି।