ମାନବାଧିକାର କମିସନ ଅଧୢକ୍ଷ ନିଯୁକ୍ତି ପ୍ରସଂଗ: ସ୍ପଷ୍ଟୀକରଣ ଲୋଡ଼ିଲେ ହାଇକୋର୍ଟ
କଟକ: ରାଜ୍ୟ ମାନବାଧିକାର କମିସନରେ ସ୍ଥାୟୀ ଅଧୢକ୍ଷ ପଦ କେବେ ପୂରଣ ହେବ ସେ ନେଇ ସରକାର ଆସନ୍ତା ୨୧ ତାରିଖ ଦିନ ସ୍ପଷ୍ଟ କରିବେ। ଆଜି ମୁଖ୍ୟ ବିଚାରପତି ଜଷ୍ଟିସ କେ.ଏସ୍.ଜାଭେରୀ ଓ ଜଷ୍ଟିସ ବିଶ୍ବନାଥ ରଥଙ୍କୁ ନେଇ ଗଠିତ ଖଣ୍ଡପୀଠରେ ଆଇନଜୀବୀ ଶିବଶଙ୍କର ମହାନ୍ତିଙ୍କ ପକ୍ଷରୁ ଦାୟର ଏ ସଂପର୍କିତ ମାମଲାର ଆଜି ଶୁଣାଣି ସମୟରେ ସରକାରଙ୍କ ପକ୍ଷରୁ ଏହି ପ୍ରସଂଗରେ ଅବଗତ କରିବା ପାଇଁ ଅଧିକ ସମୟ ଲୋଡା ଯାଇଥିଲା। ମାନବାଧିକାର କମିସନ ଅଧ୍ୟକ୍ଷ ନିଯୁକ୍ତି ପାଇଁ ପଦକ୍ଷେପ ଗ୍ରହଣ କରାଯାଇଛି ଓ ପ୍ରକ୍ରିୟା ଏବେ ଜାରି ରହିଛି ବୋଲି ସରକାରଙ୍କ ପକ୍ଷରୁ ଅବଗତ କରାଯାଇଥିଲା। ଖଣ୍ଡପୀଠ ମାମଲାର ପରବର୍ତ୍ତୀ ଶୁଣାଣି ଆସନ୍ତା ଶୁକ୍ରବାରକୁ ଧାର୍ଯ୍ୟ କରିଥିବା ବେଳେ ସରକାର ଅଧ୍ୟକ୍ଷ ନିଯୁକ୍ତିକୁ ନେଇ ସେ ଦିନ ସ୍ଥିତି ସ୍ପଷ୍ଟ କରିବେ।