ପାଇକମାଳ: ବରଗଡ଼ ଜିଲ୍ଲାର ପାଇକମାଳ ବ୍ଲକ୍ ଅନ୍ତର୍ଗତ ଟେମରି ପଞ୍ଚାୟତର ସରପଞ୍ଚ ନିରୁପମା ସିଂହଙ୍କ ନିଲମ୍ବନ ଆଦେଶକୁ ଖାରଜ କରି ତାଙ୍କୁ ପୁନର୍ବାର ସରପଞ୍ଚ ପଦରେ ଅବସ୍ଥାପିତ କରିବାପାଇଁ ଓଡ଼ିଶା ଉଚ୍ଚ ନ୍ୟାୟାଳୟ ନିର୍ଦ୍ଦେଶ ଦେଇଥିବା ଜଣାପଡ଼ିଛି । ଏ ବିଷୟରେ ରାଜ୍ୟ ପଞ୍ଚାୟତିରାଜ ବିଭାଗର ଯୁଗ୍ମ ସଚିବ ପତ୍ର ୧୮୨୨୪ ତା୧୮/୧୧/୨୦ ଅନୁସାରେ ବରଗଡ଼ ଜିଲ୍ଲାପାଳ, ପଦ୍ମପୁର ଉପଜିଲ୍ଲାପାଳ, ପାଇକମାଳ ବିଡିଓଙ୍କୁ ନିର୍ଦେଶ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଗତ ସେପ୍ଟେମ୍ବର ମାସରେ ଟେମରି ପଞ୍ଚାୟତର ସରପଞ୍ଚ ନିରୁପମା ସିଂହଙ୍କୁ ବରଗଡ଼ ଜିଲ୍ଲାପାଳ ଜ୍ୟୋତି ରଞ୍ଜନ ପ୍ରଧାନ ଚିଠି ନମ୍ବର ୬୯୬/ଜିପି ତା ୪/୯/୨୦୨୦ ଅନୁସାରେ ଧାରା ୧୧୫ ର ଉପଧାରା ୨ ,ଓପିଜି ଆକ୍ଟ ୧୯୬୪ ଆଧାରରେ ନିଲମ୍ବିତ କରାଯାଇଥିଲା। ଏହାପରେ ନାଏବ ସରପଞ୍ଚ ଶଶୀ ବଂଛୋର ତୁରନ୍ତ କାର୍ଯ୍ୟଭାର ତୁଲାଉ ଥିଲେ।