ସମ୍ବଲପୁର : ପୂର୍ବ ବର୍ଷ ଭଳି ଏ ବର୍ଷ ମଧ୍ୟ ଯେକୌଣସି ସମୟରେ ହୀରାକୁଦ ବନ୍ଧରୁ ବନ୍ୟା ଜଳ ନିଷ୍କାସନ ହୋଇପାରେ। ତେଣୁ ମହାନଦୀ ଶଯ୍ୟାରେ ଚଳାଚଳ ଓ ଅନ୍ୟାନ୍ୟ ବ୍ୟବହାର ବେଳେ ସତର୍କତା ଅବଲମ୍ବନ କରିବାକୁ ହୀରାକୁଦ ବନ୍ଧ କର୍ତ୍ତୃପକ୍ଷ ସୂଚନା ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ବନ୍ୟାଜଳ ନିଷ୍କାସନ ସମୟରେ ହୀରାକୁଦର ଉଭୟ ସ୍ପିଲ୍ୱେରେ ସାଇରନ୍ ବଜାଇବାର ବ୍ୟବସ୍ଥା ଅଛି। ଏହି ସାଇରନ୍ ୨ ମିନିଟ୍ ଅବିଛିନ୍ନ ଭାବେ ବାଜି ୨୦ ସେକେଣ୍ଡ ଅନ୍ତରରେ ୩୦ ସେକେଣ୍ଡେ ଲେଖାଏଁ ୨ଥର ବାଜିବ। ନିରନ୍ତର ଭାବରେ ଏହାର ପୁନରାବୃତ୍ତି ହୋଇ ଚାଲିବ। ଗେଟ୍ ଖୋଲିବା ୨ ଘଣ୍ଟା ପୂର୍ବରୁ ଏହି ସାଇରନ୍ ବାଜିବା ଆରମ୍ଭ ହେବ ବୋଲି ହୀରାକୁଦ୍ ହେଡ୍ ୱାର୍କସ ଓ ଅତିରିକ୍ତ ଜଳ ନିଷ୍କାସନ ମଣ୍ଡଳ, ବୁର୍ଲାର ଅତିରିକ୍ତ ନିର୍ବାହୀ ଯନ୍ତ୍ରୀ ଜନସାଧାରଣଙ୍କ ଉଦ୍ଦେଶ୍ୟରେ ଜାରି ସୂଚନାରେ କହିଛନ୍ତି।