ଦଶରଥପୁର : ଶନିବାର ମଧ୍ୟାହ୍ନରେ ଭୁବନେଶ୍ୱରର ଏକ ଘରୋଇ ଚିକିତ୍ସାଳୟରେ ଶିକ୍ଷାବିତ, ସାହିତ୍ୟିକ ତଥା ଐତିହାସିକ ଡ. ଏକାଦଶୀ ପାଢ଼ୀ(୭୭)ଙ୍କର ପରଲୋକ ହୋଇଯାଇଛି। ଶେଷଶଯ୍ୟା ନିକଟରେ ତାଙ୍କ ପୁଅଝିଅ ଉପସ୍ଥିତ ଥିଲେ। ଶିକ୍ଷକତା ସହିତ ସ୍ବର୍ଗତ ପାଢ଼ୀ ଇତିହାସ ପୁରୁଷ ଯାଜପୁର, ଯୁଗେଯୁଗେ ଯାଜପୁର, ଶ୍ରୀବରାହ ସଂସ୍କୃତି, ସ୍ମୃତି ସେନେଟ, ଦି କଲ୍‌ଚର ହେରିଟେଜ୍‌ ଅଫ୍‌ ଯାଜପୁର ଭଳି ବହୁ ପୁସ୍ତକ ରଚନା କରିଛନ୍ତି। ଦଶରଥପୁର ସମ୍ବାଦ ସାହିତ୍ୟ ଘରର ଉପଦେଷ୍ଟା ସ୍ବର୍ଗତ ପାଢ଼ୀ ବନ୍ଧୁ ମହାନ୍ତିଙ୍କ ଉପରେ ଗବେଷଣା କରୁଥିଲେ। ତାଙ୍କ ବିୟୋଗରେ ବହୁ ବିଶିଷ୍ଟ ବ୍ୟକ୍ତି ଶୋକବ୍ୟକ୍ତ କରିଛନ୍ତି। ସ୍ବର୍ଗତ ପାଢ଼ୀଙ୍କ ଘର ଦଶରଥପୁର ବ୍ଲକ୍‌ର ଚମ୍ପେଇପାଳ ପଞ୍ଚାୟତ ତରାଙ୍ଗସାଗରପୁର ଗ୍ରାମରେ। ଗ୍ରାମ ଶ୍ମଶାନରେ ଶେଷକୃତ୍ୟ କରାଯାଇଥିବା ବେଳେ ପୁଅ ଗୌତମ ଆର୍ଯ୍ୟଭୂଷଣ ମୁଖାଗ୍ନି ଦେଇଥିଲେ।