ଗଞ୍ଜେଇ କାଉଡ଼ିଆମାନଙ୍କୁ ଧରିବାକୁ ଯାଇ ହୋମଗାର୍ଡ ଗୁରୁତର, ଡାକ୍ତରଖାନାରେ ଭର୍ତ୍ତି

ମାଲକାନଗିରି: ଗଞ୍ଜେଇ କାଉଡ଼ିଆମାନଙ୍କୁ ଧରିବାକୁ ଯାଇ ଜଣେ ହୋମଗାର୍ଡ ଗୁରୁତର ହୋଇଥିବାର ଖବର ମିଳିଛି। ଉକ୍ତ ହୋମଗାର୍ଡଙ୍କୁ ମାଥିଲି ଡାକ୍ତରଖାନାରେ ଭର୍ତ୍ତି କରାଯାଇଛି। ମିଳିଥିବା ସୂଚନା ଅନୁଯାୟୀ, ୧୦୦ରୁ ଅଧିକ ଗଞ୍ଜେଇ କାଉଡ଼ିଆ ଭାରରେ ଗଞ୍ଜେଇ ଚୋରାଚାଲାଣ କରୁଥିବାର ଖବର ପାଇ ବାଲିମେଳା ପୁଲିସ୍ ସେମାନଙ୍କୁ ଧରିବା ଲାଗି ଗୋଡ଼ାଇଥିଲା।

ପୁଲିସ୍ କର୍ମଚାରୀମାନେ ଚାଉଳିମେନ୍ଦି ନିକଟରେ ଅଟକାଇଥିଲେ। ସେଠାରେ ଗଞ୍ଜେଇ କାଉଡ଼ିଆ ମାନେ ପୁଲିସ୍ ଉପରକୁ ପାଲଟା ଆକ୍ରମଣ କରିଥିଲେ।ଏହି ସମୟରେ ଗଞ୍ଜେଇ କାଉଡ଼ିଆମାନେ ହୋମଗାର୍ଡ ବନବାସୀ ମହାରଣାଙ୍କୁ ଘେରିଯାଇ ସଙ୍ଗବଦ୍ଧ ଭାବେ ଆକ୍ରମଣ କରିଥିଲେ। ଏହାପରେ ବନବାସୀ ମହାରଣାଙ୍କୁ ଗୁରୁତର ଅବସ୍ଥାରେ ମାଥିଲି ଡାକ୍ତରଖାନାରେ ଭର୍ତ୍ତି କରାଯାଇଛି। ମାଲକାନଗିରି ଆରକ୍ଷୀ ଅଧୀକ୍ଷକଙ୍କୁ ଏସଂପର୍କରେ ପଚାରିବାରୁ ହୋମଗାର୍ଡ ବନବାସୀ ମହାରଣା ଗୁରୁତର ଥିବା କହିଛନ୍ତି। ଏହି ଘଟଣା ଏବେ ସାରା ମାଲକାନଗିରି ଜିଲ୍ଲାରେ ଚର୍ଚ୍ଚାର ବିଷୟ ହୋଇଛି।

ସମ୍ବନ୍ଧିତ ଖବର
AdBlock Detected

Looks like you are using an ad-blocking browser extension. We request you to whitelist our website on the ad-blocking extension and refresh your browser to view the content.