କାଳିଆପାଣି : ସୁକିନ୍ଦା ତହସିଲ କାଙ୍କଡ଼ପାଳ ସର୍କଲ କାଳିଆପାଣି ମୌଜାର କାଳିଆପାଣି ସରକାରୀ ପ୍ରାଥମିକ ସ୍କୁଲ୍ ପାଖରେ ରହୁଥିବା ୨ ଅସହାୟ ମହିଳାଙ୍କ ଘର ଉପରେ ଏକ ବଡ଼ କୃଷ୍ଣଚୂଡ଼ା ଗଛ ଉପୁଡ଼ି ପଡ଼ିଛି। ପ୍ରଥମ ରଜ ଝଡ଼ବର୍ଷାରେ ମାଟି କାନ୍ଥ ଓ ସିମେଣ୍ଟ୍ ଟାଇଲ୍ ଛପର ଥିବା ଏହି ଘରର ଗୋଟିଏ ବଖରା ସଂପୂର୍ଣ୍ଣ କ୍ଷତିଗ୍ରସ୍ତ ହେବା ସହ ବିଧବା ଶାଶୂ କାଞ୍ଚନ ପଲେଇ ଓ ତାଙ୍କ ବୋହୂ ବିଧବା ଖତି ପଲେଇ ହନ୍ତସନ୍ତ ହେଉଥିବା ଅଭିଯୋଗ ହୋଇଛି।
Sambad is now on WhatsApp
Join and get latest news updates delivered to you via WhatsApp
ସ୍ବର୍ଗତ ବଟ ପଲେଇ ଓ ତାଙ୍କ ପୁଅ ଯୋଗୀଙ୍କ ମୃତ୍ୟୁ ପରେ ସଂପୃକ୍ତ ପରିବାର ଦୁଃଖକଷ୍ଟରେ ଚଳିଆସୁଥିବା ବେଳେ କାଳବୈଶାଖୀ ଝଡ଼ ସେମାନଙ୍କ ଉପରେ ଦାଉ ସାଧିଛି। ତୁରନ୍ତ କ୍ଷୟକ୍ଷତି ଆକଳନ ସହ ସେମାନଙ୍କ ପରିବାରକୁ ସରକାରୀ ସହାୟତା ଯୋଗାଇ ଦେବାକୁ ସାଧାରଣରେ ଦାବି ହୋଇଛି।