କଲ୍ୟାଣସିଂହପୁର: ସ୍ବାମୀର ଟାଙ୍ଗିଆ ଚୋଟରେ ସ୍ତ୍ରୀର ମୃତ୍ୟୁ। ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଳକ ଧମୁନିପଙ୍ଗା ପଞ୍ଚାୟତ କତାଗୁଡା ଗ୍ରାମର ହରିଜନ ସାହିରେ ଘଟିଛି ଏଭଳି ଅଭାବନୀୟ ଘଟଣା। ଅଭିଯୁକ୍ତ ସ୍ବାମୀକୁ ଥାନାରେ ଅଟକ ରଖାଯାଇଛି। ପାରିବାରିକ କଳହ ଯୋଗୁଁ ଏଭଳି ଘଟଣା ଘଟିଥିବା ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ସୂଚନାରୁ ପ୍ରକାଶ ଯେ ପୂର୍ବରୁ ସ୍ବାମୀ ଓ ସ୍ତ୍ରୀ ମଧ୍ୟରେ କଳହ ଲାଗିଥିବାରୁ ସ୍ବାମୀ ନୀଳକଣ୍ଠ କୌଶଲ୍ୟା (୪୨) ସ୍ତ୍ରୀ ରାଧା କୌଶଲ୍ୟା(୩୬)ଙ୍କୁ ବାପ ଘରେ ଛାଡ଼ିଆସିଥିଲା।ଗତକାଲି ସନ୍ଧ୍ୟାରେ କାର୍ତ୍ତିକ ପୂର୍ଣ୍ଣିମା ଯୋଗୁଁ ନିଜ ଘରକୁ ଯିବା କହି ସ୍ତ୍ରୀଙ୍କୁ ଆଣିବା ପାଇଁ ଶଶୁର ଘରକୁ ଯାଇଥିଲା।ଶଶୁର ଘରଲୋକେ ମନକରିଥିଲେ ବି ଜୋର କରି ନେଇ ଆସିଥିଲା ସ୍ବାମୀ। ଆଜି ସକାଳୁ କୋଣସି କାରଣରୁ ସ୍ବାମୀ ନୀଳକଣ୍ଠ ଏକ ଟାଙ୍ଗିଆରେ ସ୍ତ୍ରୀଙ୍କୁ ହାଣି ଦେଇଥିବା ଶଶୁର ଘର ପରିବାର ଲୋକ ଅଭିଯୋଗ କରିଛନ୍ତି।ଶଶୁର ଘର ପରିବାର ଲୋକ ଆସିବା ପରେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା। ସେଠାରେ କଲ୍ୟାଣସିଂହପୁର ପୁଲିସ ପହଞ୍ଚି ସ୍ବାମୀ ନୀଳକଣ୍ଠକୁ ଥାନାରେ ଅଟକ ରଖିଥିବା ଜଣାପଡ଼ିଛି।