ଘରେ ଶୋଇଥିବା ଅବସ୍ଥାରେ ବଜ୍ରପାତ; ସ୍ବାମୀ, ସ୍ତ୍ରୀ ଆହତ
ଢେଙ୍କାନାଳ: ଢେଙ୍କାନାଳ ଜିଲ୍ଳାର ଗଁଦିଆ ଗ୍ରାମରେ ବଜ୍ରପାତରେ ଦୁଇ ଜଣ ଆହତ ହୋଇଛନ୍ତି। ଗତକାଲି ରାତି ପ୍ରାୟ ୩ଟା ବେଳେ ବର୍ଷା ସହିତ ବଜ୍ରପାତ ହୋଇଥିଲା। ଉକ୍ତ ଗ୍ରାମର ଦେହୁରୀ ସାହିର ହାଡ଼ିବନ୍ଧୁ ନାଏକ, ତାଙ୍କ ପତ୍ନୀ ସୁମିନା ଓ ସେମାନଙ୍କର ଏକ ଛୋଟ ଝିଅ ଗୋଟିଏ ଘରେ ଶୋଇଥିଲେ। ସେହି ସମୟରେ ଶୋଇବା ଘର କାନ୍ଥରେ ବଜ୍ରପାତ ହୋଇଥିଲା। ଏହାର ପ୍ରଭାବରେ ଘରର କିଛି ଅଂଶ ନଷ୍ଟ ହେବା ସହ ଉଭୟ ସ୍ୱାମୀ ଓ ସ୍ତ୍ରୀ ଆହତ ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ସ୍ବାମୀଙ୍କ ମୁଣ୍ଡ ବୁଲାଉଥିବା ବେଳେ ପତ୍ନୀଙ୍କ ଅଣ୍ଟାରେ ଗଭୀର ଆଘାତ ଲାଗିଥିବା ଜଣାପଡ଼ିଛି। ତେବେ ସେମାନଙ୍କ କୁନି ଝିଅଟି ସୁସ୍ଥ ଅଛି। ଉଭୟ ସ୍ବାମୀ ଓ ସ୍ତ୍ରୀ ଏବେ ସ୍ଥାନୀୟ ଶ୍ରୀରାମଚନ୍ଦ୍ରପୁର ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି ହୋଇ ଚିକିତ୍ସିତ ହେଉଛନ୍ତି।