ବାତ୍ୟା ପ୍ରଭାବିତ ଓଡ଼ିଶାର ଗ୍ରାହକଙ୍କ ପାଇଁ ରିହାତି ଘୋଷଣା କଲା ଆଇଡିବିଆଇ ବ୍ୟାଙ୍କ ; ମେ, ଜୁନ ଓ ଜୁଲାଇରେ ଋଣ କିସ୍ତୀ ଖିଲାପ କରିଥିଲେ ଜୋରିମନା ଦେବାକୁ ପଡିବ ନାହିଁ
ଭୁବନେଶ୍ୱର : ମହାବାତ୍ୟା ଫନି ଦ୍ୱାରା ଗୁରୁତର ଭାବେ ପ୍ରଭାବିତ ହୋଇଥିବା ଓଡ଼ିଶାର ଲୋକମାନଙ୍କ ସହାୟତା ପାଇଁ କେତେକ ସ୍ବତନ୍ତ୍ର ରିହାତି ଘୋଷଣା କରିଛି ଆଇଡିବିଆଇ ବ୍ୟାଙ୍କ । ଏହା ଅନୁଯାୟୀ ମେ, ଜୁନ ଓ ଜୁଲାଇ ମାସ ପାଇଁ ବିଭିନ୍ନ ଋଣ କିସ୍ତୀ ( ଇଏମଆଇ ବା ପି-ଇଏମଆଇ) ପ୍ରଦାନରେ ବିଳମ୍ବ କିମ୍ବା ଖିଲାପୀ ହୋଇଥିଲେ ତାହା ଉପରେ ଜରିମାନା ବା ଚେକ ବାଉନ୍ସ ଦେୟ ଲାଗୁ ହେବ ନାହିଁ ।
Sambad is now on WhatsApp
Join and get latest news updates delivered to you via WhatsApp
ଏହି ସୁବିଧା ଆଇଡିବିଆଇ ବ୍ୟାଙ୍କର ଖୁଚୁରା ଋଣ ଗ୍ରାହକ ବା ରିଟେଲ୍ କଷ୍ଟମର୍ (ଗୃହ ଋଣ, ସଂପତ୍ତି ବଦଳରେ ଋଣ, ଗାଡ଼ି ଋଣ, ଶିକ୍ଷା ଋଣ ଓ ବ୍ୟକ୍ତିଗତ ଋଣ) ଉପରେ ତିନି ମାସ ଅବଧି ଯଥା ୨୦୧୯ର ମେ’, ଜୁନ୍ ଓ ଜୁଲାଇ ମାସ ପାଇଁ ଲାଗୁହେବ । ଏହି ଅଭିଯାନ ବିଷୟରେ ଜି ଏମ୍ ୟାଦୱାଡକର୍, ଡେପୁଟି ମ୍ୟାନେଜିଂ ଡାଇରେକ୍ଟର, ଆଇଡିବିଆଇ ବ୍ୟାଙ୍କ କହିଛନ୍ତି ଯେ, “ବାତ୍ୟା ଦ୍ୱାରା ହୋଇଥିବା ଧ୍ୱଂସ ଓ କ୍ଷୟକ୍ଷତି ଆମକୁ ଗଭୀର ଭାବେ ମର୍ମାହତ କରିଛି । ସଙ୍କଟର ଏହି ସମୟରେ ଆମେ ଓଡ଼ିଶାର ଲୋକମାନଙ୍କ ସହିତ ଠିଆ ହୋଇ ରହିଛୁ ।