ନାରାୟଣ ଦେବ ମନ୍ଦିରରୁ ବହୁ ପୁରାତନ ମୂର୍ତ୍ତି ଚୋରି

ପୁରୀ: ଚୋରଙ୍କ ଟାର୍ଗେଟରେ ମନ୍ଦିର | ରାଜ୍ୟର ମନ୍ଦିରଗୁଡିକରେ ଥିବା ବହୁ ପୁରାତନ ମୂର୍ତ୍ତି ଓ ଅଳଙ୍କାର ଉପରେ ଏବେ ରହିଛି ଚୋରଙ୍କ ନଜର | ପୁରୀସଦର ଗଡ଼ମୃଗସିରା ପଞ୍ଚାୟତର ଅଳପୁର ଗ୍ରାମର ନାରାୟଣ ଦେବ ମନ୍ଦିରରୁ ବହୁ ପୁରାତନ ମୂଲ୍ୟବାନ ମୂର୍ତ୍ତି ଗତକାଲି ରାତିରେ ଚୋରି ହୋଇଯାଇଛି |

ମିଳିଥିବା ସୂଚନା ମୁତାବକ ଚୋରି ହୋଇଯାଇଥିବା ମୂର୍ତ୍ତି ମଧ୍ୟରେ ଲକ୍ଷ୍ମୀନାରାୟଣ ମୂର୍ତ୍ତି, ଚନ୍ଦ୍ରଶେଖର ମୂର୍ତ୍ତି, ଦୁର୍ଗା ମୂର୍ତ୍ତି, ନୃସିଂହ ମୂର୍ତ୍ତି ସହ ଦେବାଦେଵୀଙ୍କ ଅଳଙ୍କାର କିରଟି, ହାର ପ୍ରମୁଖ ଚୋରି ହୋଇଯାଇଛି ବୋଲି ମନ୍ଦିର ପୂଜକ ଆର୍ତ୍ତତ୍ରାଣ ପଣ୍ଡା ସୂଚନା ଦେଇଛନ୍ତି |

ଏନେଇ ଗ୍ରାମବାସୀମାନେ ଚନ୍ଦନପୁର ଥାନାରେ ଏତଲା ଦେଇଛନ୍ତି | ଗତ କିଛି ମାସ ଧରି ରାଜ୍ୟର ବିଭିନ୍ନ ମନ୍ଦିରରେ ଚୋରି ଘଟଣା ବୃଦ୍ଧି ପାଉଥିବାବେଳେ ଏଥିରେ କୌଣସି ଆନ୍ତଃରାଜ୍ୟ ଗ୍ୟାଙ୍ଗ ସାମିଲ ଥିବାର ସନ୍ଦେହ କରାଯାଉଛି | ବଡ କଥା ଯେ ଚୋରଙ୍କୁ ଧରିବାରେ ପୁଲିସ ହାତ ଖାଲି ଥିବାବେଳେ ଏହାକୁ ନେଇ ଭକ୍ତଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି |