ଝିଅ ବାହାଘରରେ ୬୦ ଲକ୍ଷ ଖର୍ଚ୍ଚ କରିଥିଲେ, ପୁଅ ବିବାହରେ ୧୦ କୋଟି ଖର୍ଚ୍ଚ କରିଥାଆନ୍ତେ ଅଭୟ ପାଠକ !

ଭୁବନେଶ୍ବର: ଗିରଫ ଆଇଏଫଏସ ଅଧିକାରୀ ଅଭୟ ପାଠକ ତାଙ୍କ ପୁଅ ଆକାଶ ପାଠକଙ୍କ ବିବାହକୁ ଖୁବ୍ ଧୁମଧାମରେ ପାଳନ କରିବା ଯୋଜନା କରିଥିଲେ। ପାଠକଙ୍କ ପୁଅ ଆକାଶ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କ ଝିଅଙ୍କୁ ବିବାହ କରିଥାଆନ୍ତେ। ଉଭୟ ବାପା ଏବଂ ପୁଅଙ୍କୁ ପଚରାଉଚରା କରିବା ପରେ ଭିଜିଲାନ୍ସ କହିଛି ଯେ ଅଭୟ ପାଠକ ତାଙ୍କ ଝିଅର ବିବାହରେ ୬୦ଲକ୍ଷ ଟଙ୍କା ଖର୍ଚ୍ଚ କରିଥିବା ବେଳେ ଏବଂ ଡିସେମ୍ବର ୧୫ର ହେବାକୁ ଥିବା ପୁଅର ବିବାହ ପାଇଁ ୧୦କୋଟି ଟଙ୍କାର ବଜେଟ୍ କରିଥିଲେ।

ଏହା ବ୍ୟତୀତ ସେ ତାଙ୍କର ଦୁଇ ସନ୍ତାନଙ୍କ ଉଚ୍ଚଶିକ୍ଷା ପାଇଁ ପ୍ରାୟ ୨୦ ଲକ୍ଷ ଟଙ୍କା ଖର୍ଚ୍ଚ କରିଛନ୍ତି | ଗିରଫ ହେବା ପୂର୍ବରୁ ପିତା-ପୁତ୍ର ଯୋଡି ଭୁବନେଶ୍ୱରରେ ଏଚଡିଏଫସି ଏବଂ ଆଇସିଆଇସିଆଇ ବ୍ୟାଙ୍କରେ ୮୫ ଲକ୍ଷ ଟଙ୍କା ଜମା କରିଥିଲେ। ୨୦୧୪ରେ, ପାଠକଙ୍କ ଆକାଉଣ୍ଟରୁ ଆକାଶଙ୍କ ବ୍ୟାଙ୍କ ଆକାଉଣ୍ଟକୁ ୩୮ ଲକ୍ଷ ଟଙ୍କା ଟ୍ରାନ୍ସଫର କରାଯାଇଥିଲା ବୋଲି ଭିଜିଲାନ୍ସ ସୂଚନା ଦେଇଛି।

ରିମାଣ୍ଡ ଅବଧି ଶେଷ ହେବା ପରେ ଆଜି ଉଭୟଙ୍କୁ ଝାରପଡା ଜେଲକୁ ପଠାଯାଇଥିଲା। ପଚରାଉଚରା ପାଇଁ ଭିଜିଲାନ୍ସ ସେମାନଙ୍କୁ ତିନି ଦିନିଆ ରିମାଣ୍ଡରେ ନେଇଥିଲା। ଜେଲକୁ ନିଆଯିବା ସମୟରେ ନିଲମ୍ବିତ ଆଇଏଫଏସ୍ ଅଧିକାରୀ କହିଛନ୍ତି, “ମୁଁ ମିଥ୍ୟା ଅଭିଯୋଗରେ ଫସିଛି। ମୋ ବିରୁଦ୍ଧରେ ଏକ ଷଡଯନ୍ତ୍ର ହୋଇଚି। ମୋ ପୁଅ ଟାଟା ମୋଟର୍ସରେ ବର୍ତ୍ତମାନ ମଧ୍ୟ କାମ କରୁଛି। ” ଗତକାଲି ଆକାଶ କହିଥିଲେ ଯେ ଟାଟା ମୋଟର୍ସରେ ସେ ଚାକିରି କରି ନ ଥିଲେ। ତେବେ ସେ ଆଜି ନିଜର ବିବୃତି ବଦଳାଇ କହିଛନ୍ତି ଯେ ମୁଁ ଟାଟା ମୋଟର୍ସରେ କାମ କରିଥିଲି କିନ୍ତୁ କମ୍ପାନୀ ମୋତେ ବର୍ତ୍ତମାନ ସମର୍ଥନ କରୁନାହିଁ।

ଅନ୍ୟପକ୍ଷରେ ପାଠକ ମାମଲାର ତଦନ୍ତ କରୁଥିବା ଭିଜିଲାନ୍ସ ଅଧିକାରୀ ହରିଶଙ୍କର ପତି କହିଛନ୍ତି, “ଉଭୟଙ୍କୁ ପୁଣି ଥରେ ରିମାଣ୍ଡରେ ନେବାର କୌଣସି ଆବଶ୍ୟକତା ନାହିଁ। ଆମ ହାତରେ ଯଥେଷ୍ଟ ପ୍ରମାଣ ଅଛି | ସେମାନଙ୍କ ବିରୋଧରେ କୌଣସି ଷଡଯନ୍ତ୍ର ନାହିଁ ଏବଂ ଯଦି ସେମାନେ ଏପରି କହୁଛନ୍ତି ତେବେ ସେମାନେ ପ୍ରମାଣ ଦେଖାଇବାକୁ ପଡ଼ିବ |

ଏବେ ବିହାରର ପାଟନାରେ ଥିବା ପାଠକଙ୍କ ଝିଆ ଶଶୁର ଘରେ ଭିଜିଲାନ୍ସ ଚଢ଼ାଉ କରୁଛି। “ ଗତ ତିନିବର୍ଷ ମଧ୍ୟରେ ରାଜ୍ୟରେ ବୃକ୍ଷରୋପଣ ପାଇଁ ୬୦୦ କୋଟି ଟଙ୍କା ଖର୍ଚ୍ଚ କରାଯାଇଛି ଏବଂ ଏହି ସମୟ ମଧ୍ୟରେ ଆଇଏଫଏସ ଅଧିକାରୀ ପାଠକ କୌଣସି ଦୁର୍ନୀତି କରିଛନ୍ତି କି ନାହିଁ ତାହା ଜାଣିବା ପାଇଁ ଅନୁସନ୍ଧାନ ଚାଲିଛି ବୋଲି ଭିଜିଲାନ୍ସ କହିଛି।