ବେଗୁନିଆ ବ୍ଲକରେ ଲକ୍ଡାଉନ ଆଢ଼ୁଆଳରେ ଚାଲିଛି ଅବାଧ ମଦ କାରବାର
ଖୋର୍ଦ୍ଧା/ସିକୋ : କୋରୋନା ମହାମାରୀ ସଂକ୍ରମଣକୁ ରୋକିବାକୁ ସମସ୍ତ ସ୍ଥାନରେ ଲକ୍ଡାଉନ୍ ଜାରି ରହିଥିବା ବେଳେ ବେଗୁନିଆ ବ୍ଲକର ଅନେକ ସ୍ଥାନରେ ବେଆଇନ ମଦ କାରବାର ବଢ଼ିବା ଦେଖିବାକୁ ମିଳିଛି ।
Sambad is now on WhatsApp
Join and get latest news updates delivered to you via WhatsApp
ବୋତଳନା, ହିରାପୁର, ହଜ, ସିକୋ, ଶଗଡ଼ଭଙ୍ଗା, ଗଡ଼ମାଣତ୍ରୀ, ଗୋବିନ୍ଦପୁର, ଦେଉଳି ଆଦି ପଂଚାୟତରେ ଗତ କିଛି ଦିନ ଧରି ଅବାଧ ମଦ କାରବାର ବୃଦ୍ଧି ପାଇଛି । ଏନେଇ ସ୍ଥାନୀୟ ଅଧିକାରୀ ଜାଣି ମଧ୍ୟ କୌଣସି ପଦକ୍ଷେପ ନେଉନଥିବାରୁ ମଦ ବେପାରୀଙ୍କ ସହ ସରକାରୀ କର୍ମଚାରୀଙ୍କ ଭିତିରି ସମ୍ପର୍କ ନେଇ ସାଧାରଣରେ ପ୍ରତିକ୍ରିୟା ପ୍ରକାଶ ପାଇଛି । ବୋତଳମା ପଂଚାୟତର ମାଣିକପୁର ପାଟଣା ହାଟ ପଟାଖୋଲ ପୋଖରୀ ନିକଠରେ ଥିବା ଛତ୍ରପଡ଼ା ହାଇସ୍କୁଲ ଖେଳ ପଡ଼ିଆରେ ପ୍ରତି ଦିନ ସଂଧ୍ୟାରୁ ଅର୍ଦ୍ଧ ରାତି ଯାଏଁ ମଦ ବିକ୍ରି ହେଉଛି । ଏନେଇ ଗତ କିଛି ପୂର୍ବେ ସ୍ଥାନୀୟ ବାସିନ୍ଦା ପୁଲିସ ଓ ଅନ୍ୟ ଅଧିକାରୀଙ୍କୁ ଅଭିଯୋଗ କରିଥିଲେ ମଧ୍ୟ କୌଣସି ପଦକ୍ଷେପ ନିଆଯାଇନଥିବା ଅଭିଯୋଗ ହେଉଛି ।