ଖୋର୍ଦ୍ଧା : ବେଆଇନ ମାଙ୍କଡ଼ା ପଥର ବୋଝେଇ ଟ୍ରକ ଜବତ, ଜଣେ ଗିରଫ
ଖୋର୍ଦ୍ଧା : ମାଙ୍କଡ଼ା ପଥର ଚୋରା ଚାଲାଣ କରୁଥିବା ଏକ ଟ୍ରକକୁ ଖୋର୍ଦ୍ଧା ପୁଲିସ ଜବତ କରିବା ସହ ଡ଼୍ରାଇଭରକୁ ଗିରଫ କରିଛି । ଗିରଫ ଡ଼୍ରାଇଭର ଜଣକ ହେଲେ ପୁରୀ ଜିଲ୍ଲା କଣାସ ଥାନା ଢୋଲପାଟଣା ଗ୍ରାମର କାଳିଆ କାଣ୍ଡି (୨୬) ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ଗୁରୁବାର ବିଳମ୍ବିତ ରାତି୍ରରେ ଏକ ନମ୍ବର ବିହିନ ୪୦୭ ଟ୍ରକରେ ବେଆଇନ ମାଙ୍କଡ଼ା ପଥର ଆଣି ଶଢେଇଗଡ଼ ତାପଙ୍ଗ ରାସ୍ତା ଦେଇ ଯାଇଥିବା ବେଳେ ପୁଲିସ ହାବୁଡ଼ରେ ପଡ଼ିଥିଲା । ଯାଂଚରେ ଟ୍ରକ ଚାଳକ କୌଣସି ପ୍ରମାଣ ପତ୍ର ଦେଇ ପାରି ନଥିଲା । ଏନେଇ ମାଲିକ ସହ ଯୋଗାଯୋଗ କରି ନଥିପତ୍ର ଜମା କରିବାକୁ ପୁଲିସ କହିଥିଲା । ତେବେ ଟ୍ରକ୍ ଓ ମାଙ୍କଡ଼ା ପଥର ଚାଲାଣର କାଗଜପତ୍ର ଦେଖାଇନପାରିବାରୁ ଚାଳକକୁ ଗିରଫ କରାଯାଇଛି । ଏନେଇ ସଦର ଥାନା ପକ୍ଷରୁ ୧୯୨/୨୦ରେ ଏକ ମାମଲା ରୁଜୁୁ କରାଯାଇ ତଦନ୍ତ ଜାରି ରହିଛି ।