ସାରସକଣା: ଝାଡ଼ପୋଖରିଆ ଥାନା ଅଞ୍ଚଳ ଦେଇ ପଶ୍ଚିମବଙ୍ଗକୁ ନିୟମିତ ଭାବେ ବେଆଇନ ଗୋ-ଚାଲାଣ ଚାଲିଥିବା ଅଭିଯୋଗ ହେଉଛି। ଶେଷରେ ଏହାକୁ ରୋକିବାକୁ ତତ୍ପରତା ଦେଖାଇଛି ଝାଡ଼ପୋଖରିଆ ପୁଲିସ। ପୁଲିସର ନିୟମିତ ଯାଞ୍ଚ୍ ପାଇଁ ସପ୍ତାହକ ଭିତରେ ଦୁଇଟି ଗୋରୁ ବୋଝେଇ ପିକ୍ଅପ୍ ଜବତ ହେଲାଣି।
Sambad is now on WhatsApp
Join and get latest news updates delivered to you via WhatsApp
ଗତକାଲି ଦିନ ପ୍ରାୟ ୨ଟା ସମୟରେ ପୁଲସ ବମ୍ବେଛକ ନିକଟରେ ଏକ ପିକ୍ଅପ୍କୁ (ଓଡି-୧୧ଏ-୧୪୪୫) ସନ୍ଦେହରେ ଅଟକାଇ ଯାଞ୍ଚ୍ କରିବା ବେଳକୁ ସେଥିରେ ଅତି ଅମାନୁଷିକ ଭାବେ ୪ଟି ବୁଲା ଷଣ୍ଢ ଓ ୨ଟି ଗାଈକୁ ଖୁନ୍ଦାଖୁନ୍ଦି କରି ଚାଲାଣ ପାଇଁ ଉଦ୍ୟମ ହେଉଥିବା ଦେଖିବାକୁ ମିଳିଥିଲା। ସେହିଭଳି ଗତ ସୋମବାର ଦିନ ଜାମାଶୋଳା ନିକଟରେ ଏକ ପିକ୍ଅପ୍ରୁ ୧୦ଟି ଗୋରୁ ଉଦ୍ଧାର କରିଥିଲା ପୁଲିସ। ଏହି ରାସ୍ତାରେ ପିକ୍ଅପ୍ ବ୍ୟତୀତ କଣ୍ଟେନରରେ ନିୟମିତ ଗୋ-ଚାଲାଣ ହେଉଥିବାରୁ ପୁଲିସ ଏଥିପ୍ରତି ନଜର ଦେବାକୁ ଦାବି ହେଉଛି।