ଭୁବନେଶ୍ବର : ଓଡ଼ିଶାର ବିଭିନ୍ନ ସ୍ଥାନରେ ସୋମବାର କ୍ରସର ଓ ଖାଦାନ ମାଲିକଙ୍କ କାର୍ଯ୍ୟାଳୟରେ ଆୟକର ବିଭାଗ ପକ୍ଷରୁ ଚଢ଼ଉ କରାଯାଇଛି। ଯାଜପୁର ଜିଲ୍ଲା ବିଛାଖଣ୍ଡି ସ୍ଥିତ ସାଇରାମ ଷ୍ଟୋନ କ୍ରସର, ଚଢ଼େଇଧରା ସ୍ଥିତ ଅମିତ ‌ଷ୍ଟୋନ୍‌କ୍ରସର, ରାହାଡ଼ପୁରର ଉତ୍କଳ ହାଇୱେ କ୍ରସରରେ ଚଢ଼ଉ ହୋଇଛି। ରାତି ପର୍ଯ୍ୟନ୍ତ ବିଭିନ୍ନ ସ୍ଥାନରେ କାଗଜପତ୍ର ଯାଞ୍ଚ ଜାରି ରହିଛି। ବାଲେଶ୍ବର ଜିଲ୍ଲା ସୋର ସହିତ ନୟାଗଡ଼ ଜିଲ୍ଲା ଭାପୁର ସ୍ଥିତ ସୋୟମ ସଦାଶିବ ଷ୍ଟୋନ କ୍ରସର ଏବଂ ସମ୍ବଲପୁର ସ୍ଥିତ କ୍ରିଷ୍ଣା ଷ୍ଟୋନ ୱାର୍କସରେ ମଧ୍ୟ ଚଢ଼ଉ ଜାରି ରହିଛି।