କୋରାପୁଟ/ପଟ୍ଟାଙ୍ଗୀ : ପଞ୍ଚାୟତ ନିର୍ବାଚନ ଫଳାଫଳର ପ୍ରାରମ୍ଭିକ ଧାରା ଆସିବା ଆରମ୍ଭ ହୋଇଛି । କୋରାପୁଟ ଜିଲ୍ଲାର ଚର୍ଚ୍ଚିତ ଆସନ କୋଟିଆରେ ଚାଲିଛି କଡା ଟକ୍କର । ସର୍ବଦଳୀୟ ପ୍ରାର୍ଥୀ ମମତା ଜାନି ଓ ସ୍ୱାଧିନ ପ୍ରାର୍ଥୀ ଟିକାଇ ଗମେଲଙ୍କ ମଧ୍ୟରେ ଜାରି ରହିଛି ଛକାପଞ୍ଝା । ପ୍ରଥମ ୩ ରାଉଣ୍ଡ ସୁଦ୍ଧା ସର୍ବଦଳୀୟ ପ୍ରାର୍ଥୀ ମମତା ଜାନି ଆଗୁଆ ରହିଥିଲେ, କିନ୍ତୁ ସକାଳ ୧୦ଟା ୩୦ ସୁଦ୍ଧା ସ୍ୱାଧିନ ପ୍ରାର୍ଥୀ ଟିକାଇ ଗମେଲ ଆଗୁଆ ରହିଛନ୍ତି । ଏହି ଖବର ପ୍ରସ୍ତୁତ ହେବା ବେଳକୁ ମମତା ଜାନିଙ୍କୁ ୮୮୮ଟି ଭୋଟ ମିଳିଥିବା ବେଳେ ଟିକାଇ ଗମେଇଙ୍କୁ ୧୨୭୯ଟି ଭୋଟ ମିଳିଛି।
Sambad is now on WhatsApp
Join and get latest news updates delivered to you via WhatsApp
ବର୍ଷକ ଭିତରେ କୋଟିଆ ଦୁଇଟି ପଂଚାୟତ ନିର୍ବାଚନ ଦେଖିଛି । ୨୦୨୧ ଫେବ୍ରୁଆରି ମାସରେ ଅଗଣତାନ୍ତ୍ରିକ ଭାବେ ଆନ୍ଧ୍ର ସେଠାରେ ପଞ୍ଚାୟତ ନିର୍ବାଚନ କରିଥିଲା । ସବୁଠୁ ବଡ଼ କଥା ହେଉଛି, ଆନ୍ଧ୍ର ସରକାର ଯେଉଁ ନିର୍ବାଚନ କରିଥିଲେ, ସେଥିରେ ମାତ୍ର ୧୭ ପ୍ରତିଶତ ଭୋଟିଂ ହୋଇଥିଲା । ହେଲେ ଓଡ଼ିଶାର ନିର୍ବାଚନରେ ରେକର୍ଡ ସଂଖ୍ୟକ ମତଦାନ ହୋଇଛି ।
ନିର୍ବାଚନରେ ଆନ୍ଧ୍ର ହସ୍ତକ୍ଷେପ କରିବା ଆଶଙ୍କା କରି ସୀମା ସିଲ୍ କରି ବ୍ୟାପକ ଫୋର୍ସ ମୂତୟନ କରିଥିଲା ଓଡ଼ିଶା । ସମ୍ବେଦନଶୀଳ ବୁଥଗୁଡିକ ଉପରେ ନଜର ରଖିଥିଲା ପୁଲିସ । ଆନ୍ଧ୍ର ଷଡଯନ୍ତ୍ରକୁ ଜବାବ ଦେବା ପାଇଁ ସବୁ ଦଳ ଏକାଠି ହୋଇଥିଲେ । ଜିଲ୍ଲା ପରିଷଦ ଜୋନ୍ ପାଇଁ ସର୍ବଦଳୀୟ ପ୍ରାର୍ଥୀ ଦେଇଥିଲେ । ସର୍ବଦଳୀୟ ପ୍ରାର୍ଥୀ ମମତା ଜାନିଙ୍କ ସହ ପ୍ରତିଦ୍ୱନ୍ଦ୍ୱିତା କରୁଛନ୍ତି ସ୍ୱାଧୀନ ପ୍ରାର୍ଥୀ ଟିକାଇ ଗେମେଲ୍ ।