କେନ୍ଦୁଝର : ହରିଚନ୍ଦନପୁର ବ୍ଲକର ବୁଢ଼ାଖମଣ ଗ୍ରାମରେ ଇନ୍ଦିରା ଆବାସ ଗୃହ ନିର୍ମାଣ ଦୁର୍ନୀତିରେ ଆଜି ପଞ୍ଚାୟତର ତତ୍କାଳୀନ ନିର୍ବାହୀ ଅଧିକାରୀ ତଥା ବର୍ତ୍ତମାନ ଘଟଗାଁ ବ୍ଲକରେ କାର୍ଯ୍ୟ କରୁଥିବା ବୈଲୋଚନ ସାହୁ ନିଲମ୍ବିତ ହୋଇଛନ୍ତି। ଏ ସ˚ପର୍କିତ ବିସ୍ତୃତ ଖବର ଆଜି ‘ସମ୍ବାଦ’ରେ ପ୍ରକାଶ ପାଇବା ପରେ ଜିଲ୍ଲାପାଳ ଆଶିଷ ଠାକ୍ରେ ସ˚ପୃକ୍ତ ପଞ୍ଚାୟତର ତତ୍କାଳୀନ ନିର୍ବାହୀ ଅଧିକାରୀ ଶ୍ରୀ ସାହୁଙ୍କୁ ତତ୍କ୍ଷଣାତ ନିଲମ୍ବିତ କରିଛନ୍ତି। ଏହି ନିଲମ୍ବନ ଆଦେଶରେ ସେ ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ଉପସ୍ଥିତ ରହିବାକୁ ନିର୍ଦେଶ ହୋଇଛି। ଚିଠି ନ˚-୩୬/ତାରିଖ-୧୪.୧.୧୯ରେ ନିଲମ୍ବନ ଆଦେଶ ଦିଆଯାଇଛି।
Sambad is now on WhatsApp
Join and get latest news updates delivered to you via WhatsApp
କେନ୍ଦୁଝର ଜିଲ୍ଲା ହରିଚନ୍ଦନପୁର ବ୍ଲକ ବୁଢ଼ାଖମଣ ଗ୍ରାମପଞ୍ଚାୟତର ନୋଡ଼ାମ ଗ୍ରାମରେ ୧୭ ଜଣ ହିତାଧିକାରୀଙ୍କୁ ତତ୍କାଳୀନ ପଞ୍ଚାୟତ ନିର୍ବାହୀ ଅଧିକାରୀ ବୈଲୋଚନ ସାହୁଙ୍କ ସୁପାରିସକ୍ରମେ ସ˚ପୂର୍ଣ୍ଣ ଟଙ୍କା ପୈଠ କରାଯାଇଥିଲା। ଗୃହ ଆରମ୍ଭ ହୋଇ ନ ଥିବା ସତ୍ତ୍ବେ ଅବଶିଷ୍ଟ ହିତାଧିକାରୀଙ୍କୁ ଏହି ଅର୍ଥ ଦିଆଯାଇଥିଲା। ଏ ସ˚ପର୍କରେ ଖୋଳତାଡ଼ ପରେ ପ୍ରକୃତ କଥା ପଦାକୁ ଆସିଥିଲା। ଏ ସ˚ପର୍କରେ ଜିଲ୍ଲା ପ୍ରଶାସନ ଜାଣିବା ପରେ ଗ୍ରାମ୍ୟ ଉନ୍ନୟନ ସ˚ସ୍ଥା ପ୍ରକଳ୍ପ ନିର୍ଦେଶକଙ୍କ ନିର୍ଦ୍ଦେଶକ୍ରମେ ଅତିରିକ୍ତ ପିଡି ତଦନ୍ତ କରି ଏକ ରିପୋର୍ଟ ପ୍ରସ୍ତୁତ କରିଥିଲେ। ଏହା ଜିଲ୍ଲାପାଳଙ୍କୁ ପ୍ରଦାନ କରାଯାଇଥିଲା। ୨୦୧୮ ଅକ୍ଟୋବର ୧୦ ତାରିଖରେ ଏହି ରିପୋର୍ଟ ଯିବା ପରେ ଜିଲ୍ଲାପାଳ ସ˚ପୃକ୍ତ ନିର୍ବାହୀ ଅଧିକାରୀଙ୍କୁ ନିଲମ୍ବନ ନିର୍ଦେଶ ଦେଇଥିଲେ। ଇତିମଧୢରେ ପାଖାପାଖି ୨ ମାସ ବିତିଯିବା ସତ୍ତ୍ବେ କାର୍ଯ୍ୟାନୁଷ୍ଠାନ ହୋଇନଥିଲା।
ଆଜି ସମ୍ବାଦରେ ବିସ୍ତୃତ ଭାବେ ‘ହରିଚନ୍ଦନପୁର ବ୍ଲକରେ ଇନ୍ଦିରା ଆବାସ ଦୁର୍ନୀତି: ଜିଲ୍ଲାପାଳଙ୍କ ନିର୍ଦେଶକୁ ଚାପିଦେଲେ ଡିପିଓ’ ଶୀର୍ଷକରେ ଖବର ପ୍ରକାଶ ପାଇବା ପରେ ଜିଲ୍ଲା ପ୍ରଶାସନ ତତ୍ପର ହୋଇ ଉଠିଥିଲା। ଖୋଦ୍ ଜିଲ୍ଲାପାଳ ଏ ସ˚ପର୍କିତ ଫାଇଲ ମଗାଇ ଆଜି ପୂର୍ବାହ୍ନରେ ସ˚ପୃକ୍ତ ପଞ୍ଚାୟତ ନିର୍ବାହୀ ଅଧିକାରୀଙ୍କୁ ନିଲମ୍ବିତ କରିଛନ୍ତି।