ଶିଳ୍ପପତି ଡି ଆର୍‌ ପଟ୍ଟନାୟକଙ୍କ ଜନ୍ମଦିବସ ପାଳିତ

ରାଉରକେଲା : ଶିଳ୍ପପତି ଡି.ଆର୍‌. ପଟ୍ଟନାୟକଙ୍କ ଜନ୍ମଦିବସ ପାଳିତ ‌ହୋଇଯାଇଛି। ରାଉରକେଲା ଫିଲ୍ମ ଆସୋସିଏସନ୍‌ ଓ ରାଉରକେଲା ଫିଲ୍ମ କଲ୍‌ଚରର ପକ୍ଷରୁ ଆୟୋଜିତ ‘୫ମ ରାଉରକେଲା ଫିଲ୍ମ ଫେଷ୍ଟିଭାଲ୍‌ ’ ଅବସରରେ ଜନ୍ମଦିନ ପାଳନ କରାଯାଇଛି।

ସ୍ଥାନୀୟ ସିଭିକ୍‌ ସେଣ୍ଟରରେ ଅନୁଷ୍ଠିତ ଏହି କାର୍ଯ୍ୟକ୍ରମକୁ ଅନୁଷ୍ଠାନର ନିର୍ଦ୍ଦେଶକ ହୃ୍ଷୀକେଶ ମହାପାତ୍ର ସଂଯୋଜନା କରିଥିଲେ। ଏହି ଅବସରରେ ରାଜ୍ୟ ଏବଂ ରାଜ୍ୟ ବାହାର କ୍ଷୁଦ୍ର ଚଳଚ୍ଚିତ୍ରକୁ ସମ୍ମାନିତ କରାଯାଇଥିଲା। ଏଥିସହ ସ୍ବନାମଧନ୍ୟ ଫଟୋଗ୍ରାଫର, ଫିଲ୍ମ ନିର୍ଦ୍ଦେଶକ, ମଡେଲ, ଅଭିନେତା, ଅଭିନେତ୍ରୀ ଓ ଟେକ୍ନିସିଆନ୍‌ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା। ଏଥିପାଇଁ ରାଜ୍ୟର ବିଭିନ୍ନ କୋଣଅନୁକୋଣରୁ ୪୩୨ ଜଣ ପ୍ରତିଯୋଗୀ ଅଂଶଗ୍ରହଣ କରିଥିଲେ। ମିସେସ୍‌ କାଟାଗୋରିରେ ଗାରିମା ପାତ୍ରୀ ‌ଢୋଲକିଆ ‘ମିସେସ୍‌ ରାଉରକେଲା’, ‘ସୁପର କାଟାଗୋରି’ରେ ରମଣଦୀପ କୌର ବିଜୟୀ ହୋଇଥିଲେ। ଅନୁରୂପ ଭାବେ ମିସ୍‌ କନିଷ୍ଠ ବର୍ଗରେ ଲିପ୍‌ସିତା ଆଚାର୍ଯ୍ୟ ମିସ୍‌ ରାଉରକେଲା, ବରିଷ୍ଠ ବର୍ଗରେ ଖୁସ୍‌ବୁ କୁମାରୀ ମିସ୍‌ ରାଉରକେଲା ‌ହୋଇଥିଲେ। ଅତିଥିମାନେ ଏମାନଙ୍କୁ ବିଜୟ ମୁକୁଟ ପିନ୍ଧାଇବା ସହ ପୁରସ୍କୃତ କରିଥିଲେ। କାର୍ଯ୍ୟକ୍ରମରେ ୮ ବର୍ଷରୁ ୫୫ ବର୍ଷୀୟ ଝିଅ ଓ ମହିଳାମାନେ ଏଥିରେ ଭାଗ ନେଇଥିଲେ।