ଭୁବନେଶ୍ବର : କଟକ ଜିଲ୍ଲାରେ ଥିବା ଶିଳ୍ପସଂସ୍ଥାଗୁଡ଼ିକର ବିଭିନ୍ନ ସମସ୍ୟାର ସମାଧାନ ଉଦ୍ଦେଶ୍ୟରେ ‘ଇଣ୍ଡଷ୍ଟ୍ରି କେୟାର’ ନାମକ ଏକ କାର୍ଯ୍ୟକ୍ରମ ଭୁବନେଶ୍ବରର ଇଡ୍କୋ କାର୍ଯ୍ୟାଳୟରେ ଅନୁଷ୍ଠିତ ହୋଇଥିଲା। ଏଥିରେ ଭାଗନେଇ ଶିଳ୍ପ ବିଭାଗ ପ୍ରମୁଖ ସଚିବ ସଞ୍ଜୀବ ଚୋପ୍ରା ଓ ଇଡ୍କୋ ସିଏମ୍ଡି ସଞ୍ଜୟ ସି˚ହ ପ୍ରମୁଖ ୧୯ଟି ଶିଳ୍ପସଂସ୍ଥା ସହିତ ଗୋଟି ଗୋଟି କରି ଆଲୋଚନା କରିଥିଲେ।
Sambad is now on WhatsApp
Join and get latest news updates delivered to you via WhatsApp
ବୈଠକ ପରେ ଶିଳ୍ପ ବିଭାଗ ପ୍ରମୁଖ ସଚିବ ଶ୍ରୀ ଚୋପ୍ରା କହିଲେ, ପୁରୁଣା ଶିଳ୍ପଗୁଡ଼ିକ ହିଁ ଓଡ଼ିଶା ଶିଳ୍ପ ବ୍ୟବସ୍ଥାର ଗୁରୁତ୍ବପୂର୍ଣ୍ଣ ଅ˚ଶୀଦାର। ପ୍ରତି ଶିଳ୍ପସଂସ୍ଥାର ସମସ୍ୟାକୁ ଯଥାଶୀଘ୍ର ସମାଧାନ କରିବାକୁ ପଦକ୍ଷେପ ନିଆଯାଉଛି। ବୈଠକରେ ପେପ୍ସିକୋ, ଅଲ୍ଟ୍ରାଟେକ୍ ସିମେଣ୍ଟ, ତୋଷାଳି ସିମେଣ୍ଟସ, ଭୋଲ୍ଟା ଗ୍ରୀନ୍, ରୁଚି ଫୁଡ୍ଲାଇନ୍, ଜୟ ଭାରତ ସ୍ପାଇସେସ୍, ଆର୍ଏସ୍ବି ଗ୍ଲୋବାଲ୍, ମା’ ଦୁର୍ଗା ଥର୍ମାଲ ପାୱାର ଏବ˚ ଇନ୍ଫନେକ୍ସ ହେଲ୍ଥକେୟାର ଭଳି ୧୯ଟି କମ୍ପାନି ଅ˚ଶଗ୍ରହଣ କରିଥିଲେ। ରାଜ୍ୟ ସରକାରଙ୍କ ରାଜ୍ୟସ୍ତରୀୟ ସୁଗମ ସେଲ୍(ଏସ୍ଏଲ୍ଏଫ୍ସି), ଓଡ଼ିଶା ରାଜ୍ୟ ପ୍ରଦୂଷଣ ବୋର୍ଡ, ଫ୍ୟାକ୍ଟ୍ରି ଓ ବଏଲର୍ ନିର୍ଦେଶାଳୟ, ଅଗ୍ନିଶମ ସେବା ନିର୍ଦେଶାଳୟ, ଇପିକଲ୍ ଓ ଇଡ୍କୋ ଆଦି ସଂସ୍ଥାର ବରିଷ୍ଠ ଅଧିକାରୀମାନେ ଯୋଗ ଦେଇଥିଲେ।