ରାଜ୍ୟର ୫ ଜିଲ୍ଲାରେ ସଂକ୍ରମଣ ହାର ଅଧିକ
ଭୁବନେଶ୍ବର : ଦୈନିକ ସଂକ୍ରମଣ ବଢ଼ିବା ସହିତ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୨୪ ପ୍ରତିଶତ ବଢ଼ିଛି। ଗତ ୨୪ଘଣ୍ଟାରେ ୯୨୦ ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହାସହ ଏକାଧିକ ଜିଲ୍ଲାରେ ସଂକ୍ରମଣ ମଧ୍ୟ ବୃଦ୍ଧି ପାଇଛି। ବୌଦ୍ଧ, ସୋନପୁର, ସମ୍ବଲପୁର, ବରଗଡ଼, ସୁନ୍ଦରଗଡ଼ରେ ସଂକ୍ରମଣ ହାର ଅଧିକ ରହିଛି।
Sambad is now on WhatsApp
Join and get latest news updates delivered to you via WhatsApp
ଗତ ୨୪ ଘଣ୍ଟାରେ ସୁନ୍ଦରଗଡ଼ ଜିଲ୍ଲାରୁ ସର୍ବାଧିକ ୨୫୦ ଆକ୍ରାନ୍ତ ଚିହ୍ନଟ ହୋଇଛନ୍ତି। ଖୋର୍ଧାରୁ ୧୩୩, ମୟୂରଭଞ୍ଜ ୪୮, ସମ୍ବଲପୁର ୬୮, ବରଗଡ଼ ୫୪, ବଲାଙ୍ଗୀର ୩୭, କଟକ ୩୬, ନୟାଗଡ଼ ୨୩ ଓ ଷ୍ଟେଟ୍ ପୁଲରୁ ୩୦ଜଣଙ୍କୁ ଚିହ୍ନଟ କରାଯାଇଛି। ଏହାକୁ ମିଶାଇ ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୧୩,୧୫,୬୦୩କୁ ବୃଦ୍ଧି ପାଇଛି। ଅପରପକ୍ଷରେ କୋଭିଡ ମୃତ୍ୟୁ ସଂଖ୍ୟା ୯୧୪୨ରେ ସ୍ଥିର ରହିଛି। ଏହାସହ ଆଜି ରାଜ୍ୟରେ ୯୨୮ କୋଭିଡ ଆକ୍ରାନ୍ତ ସୁସ୍ଥ ହୋଇଛନ୍ତି। ଏବେ ରାଜ୍ୟରେ ୫୪୫୭ ଚିକିତ୍ସାଧୀନ ରୋଗୀ ରହିଛନ୍ତି। ସୁନ୍ଦରଗଡ଼ରେ ସର୍ବାଧିକ ୧୩୪୨ ଚିକିତ୍ସାଧୀନ ରୋଗୀ ରହିଛନ୍ତି।