୩ ଦିନ ପୂର୍ବରୁ ଚିହ୍ନଟ ହୋଇଥିବା ଆହତ ହରିଣକୁ ଉଦ୍ଧାର କଲା ବନବିଭାଗ
ଲା, ମାତ୍ର ବେଫିକର ବିଭାଗ
ବାରିପଦା: ବାରିପଦା ସହର ମଧ୍ୟକୁ ପଶିଆସିଲା ହରିଣ। ଆଜି ବାରିପଦା ସହରର ୱାର୍ଡ ନଂ-୨୧ ମୁର୍ଗାବାଡ଼ି ଅଞ୍ଚଳର ବ୍ୟୋମକେଶ ପାଣିଗ୍ରାହୀଙ୍କ ବାସଭବନ ପଛ ବାଡ଼ିରେ ସକାଳ ସମୟରେ ଏକ ଆହତ ହରିଣ ଛିଡ଼ା ହୋଇଥିବାର ଦେଖିବାକୁ ମିଳିଥିଲା । ଖବରପାଇ ବନ ବିଭାଗର ଏକ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ହରିଣକୁ ଉଦ୍ଧାର କରିବା ନିମନ୍ତେ ଉଦ୍ୟମ କରିଥିଲେ । ମାତ୍ର ହରିଣ ଦୌଡ଼ି ପଳାଇ ଯିବାରୁ ତାର ପିଛା କରି ମୁର୍ଗାବାଡ଼ିସ୍ଥିତ ପ୍ରୟାସ ସମ୍ମିଳନୀ ହଲ ନିକଟରେ ହରିଣକୁ ଧରିବାରେ ସଫଳ ହୋଇଥିଲେ । ଏହି ସମୟରେ ହରିଣ ମୁହଁରୁ ରକ୍ତ ଝରୁଥିବାର ଦେଖିବାକୁ ମିଳିଥିଲା ।
Sambad is now on WhatsApp
Join and get latest news updates delivered to you via WhatsApp
ଆହତ ହରିଣକୁ ବାରିପଦା ମୁଖ୍ୟ ପ୍ରାଣୀ ଚିକିତ୍ସା ଅଧିକାରୀଙ୍କ କାର୍ଯ୍ୟାଳୟ ପରିସରରେ ଚିକିତ୍ସା ଯୋଗାଇ ଦେବା ପରେ ଜନଗହଳିଠାରୁ ଦୂର ଦେଉଳି ରେଞ୍ଜ ଅଧୀନ ଏକ ନର୍ସରୀ ଭିତରେ ନିରୀକ୍ଷଣରେ ରଖାଯାଇଛି । ଉକ୍ତ ହରିଣଟି ପଡ଼ୋଶୀ ପଶ୍ଚିମବଙ୍ଗ ରାଜ୍ୟରୁ ୩ ଦିନ ପୂର୍ବେ ବାଟହୁଡ଼ି ମୟୂରଭଞ୍ଜ ଭିତରକୁ ଚାଲି ଆସିଥିବା ପ୍ରକାଶ। ବନ ବିଭାଗ ନିକଟରେ ଏ ବିଷୟରେ ସୂଚନା ରହିଥିଲେ ମଧ୍ୟ ହରିଣକୁ ଉଦ୍ଧାର କରିବା ନିମନ୍ତେ କୌଣସି ବ୍ୟବସ୍ଥା କରାଯାଇନଥିଲା । ଗତକାଲି ଦାମୋଦରପୁରଠାରେ ହରିଣକୁ ସ୍ଥାନୀୟ ଲୋକମାନେ ଦେଖିବାକୁ ପାଇଥିଲେ । ଆଜି ବାରିପଦା ପୌରପରିଷଦ ଭିତରକୁ ପଶିଆସିଥିବା ସମୟରେ ବୁଲା କୁକୁରମାନଙ୍କ ଆକ୍ରମଣରେ ତାର ମୁହଁରେ କ୍ଷତ ସୃଷ୍ଟି ହୋଇଥିବାର ସନ୍ଦେହ କରାଯାଉଛି ।