ଝାରସୁଗୁଡ଼ା : ଝାରସୁଗୁଡ଼ା ଏସ୍‌ପିଙ୍କ ନିର୍ଦ୍ଦେଶକ୍ରମେ ଝାରସୁଗୁଡ଼ା ଜିଲ୍ଲାର ବିଭିନ୍ନ ଥାନାରେ ଜିଲ୍ଲା ପରିବହନ ବିଭାଗ ଓ ପୁଲିସର ମିଳିତ ଯାନବାହନ ଯାଞ୍ଚ ପ୍ରକ୍ରିୟା ଜାରି ରହିଛି। ଏହି ଅବସରରେ ଗୁରୁବାର ବଡ଼ମାଲ ଥାନା ଅଧୀନରେ ଏହି ସ୍ବତନ୍ତ୍ର ମିଳିତ ଯାଞ୍ଚ ବେଳେ ପୁଲିସ ୧୦ ଜଣ ମଦ୍ୟପ ଚାଳକଙ୍କୁ ଗିରଫ କରିଛି। ସେମାନଙ୍କ ଡ୍ରାଇଭିଂ ଲାଇସେନ୍ସ ବାତିଲ କରାଯାଇଥିବା ଜଣାଯାଇଛି।

Advertisment

ପୁଲିସ ପକ୍ଷରୁ ମ‌ୋଟ୍‌ ୧୯୪ ଗୋଟି ଚାଲାଣ କଟା ଯାଇଥିବା ବେଳେ ୧୦ ଲକ୍ଷ ୪୧ ହଜାର ଟଙ୍କାର ଜରିମାନା କରା ଯାଇଛି। ଏଥିରେ ଅତ୍ୟଧିକ ଦ୍ରୁତ ଗତିରେ ଚଳାଉଥିବା ୬୩ ‌ଗାଡ଼ିକୁ ୪ ଲକ୍ଷ ୪୧ ହଜାର ଟଙ୍କା ଜରିମାନା କରାଯାଇଥିବା ନେଇ ଆଇଆଇସି ଅମିତାଭ ପଣ୍ଡା ସୂଚନା ଦେଇଛନ୍ତି।