ଅବକାରୀ କନ୍ଷ୍ଟେବଳ ଓ ବନରକ୍ଷୀ ଶାରୀରିକ ଦକ୍ଷତା ପରୀକ୍ଷା ଆରମ୍ଭ
ଖୋର୍ଦ୍ଧା: ଆଜି ଖୋର୍ଦ୍ଧା ଜିଲ୍ଲାରେ ଅବକାରୀ କନଷ୍ଟେବଳ ଓ ବନ ରକ୍ଷକ ନିମନ୍ତେ ଦ୍ୱିତୀୟ ପର୍ଯ୍ୟାୟ ଶାରୀରିକ ଦକ୍ଷତା ପରୀକ୍ଷା ଆରମ୍ଭ ହୋଇଛି ।
ଅର୍ଜୁନପୁରସ୍ଥିତ ଷଷ୍ଟ ଆଇଆରବି ଓ ୪୧ ଆଇଟିବିପି ବାଟାଲିଅନ ପଡ଼ିଆରେ ଅନୁଷ୍ଠିତ ହେଉଥିବା ଏହି ପରୀକ୍ଷା ଆସନ୍ତା ୧୭ ତାରିଖ ଯାଏଁ ଚାଲିବ । ଏହି ପରୀକ୍ଷାରେ ଯୋଗ ଦେଇଥିବା ପ୍ରାର୍ଥୀମାନେ ଓଡ଼ିଶା ଅଧସ୍ତନ କର୍ମଚାରୀ ଚୟନ ଆୟୋଗ ଦ୍ୱାରା ଅନୁଷ୍ଠିତ ଲିଖିତ ପରୀକ୍ଷାରେ କୃତକାର୍ଯ୍ୟ ହୋଇଥିଲେ । ଏଥିରେ ମୋଟ ୭୩୪ ପ୍ରାର୍ଥୀ ଭାଗ ନେଉଥିବା ବେଳେ ସେମାନଙ୍କ ଉଚ୍ଚତା, ଓଜନ, ଦୌଡ଼, ସାଇକଲ ଚାଳନା, ଚାଲିବା, ଲମ୍ବଡିଆଁ, ଉଚ୍ଚଡିଆଁ, ଦୌଡ଼ ଆଦି ପରୀକ୍ଷା କରାଯିବ ।
Sambad is now on WhatsApp
Join and get latest news updates delivered to you via WhatsApp
ଆଜିର ପରୀକ୍ଷା ସ୍ଥଳକୁ ଜିଲ୍ଲାପାଳ କେ.ସୁଦର୍ଶନ ଚକ୍ରବର୍ତ୍ତୀ, ଅତିରିକ୍ତ ଜିଲ୍ଲାପାଳ ମନୋଜ କୁମାର ପାଢ଼ୀ, ଆଇଆରବିଏନ୍ କମାଣ୍ଡାଣ୍ଟ ନାରାୟଣ ଦୋରା ପରିଦର୍ଶନ କରିଥିଲେ । ଖୋର୍ଦ୍ଧା ଓ ଭୁବନେଶ୍ୱର ଅବକାରୀ ଅଧୀକ୍ଷକ ଝସକେତନ ବରିହା, ପ୍ରଦୀପ କୁମାର ପଟ୍ଟନାୟକ, ଏସିଏଫ୍ ଗୋବିନ୍ଦଚନ୍ଦ୍ର ବିଶ୍ୱାଳ, ଖେଳ ଶିକ୍ଷକ ଓ ଶିକ୍ଷୟିତ୍ରୀ ଚୟନ ପ୍ରକ୍ରିୟାରେ ପରୀକ୍ଷକ ଭାବେ ଯୋଗ ଦେଇଛନ୍ତି । ଏହା ସହ ପ୍ରାର୍ଥୀଙ୍କ ପାଇଁ ଖାଇବାପିଇବା ବ୍ୟବସ୍ଥା ସହ ସ୍ୱାସ୍ଥ୍ୟସେବା ପାଇଁ ଆମ୍ବୁଲାନ୍ସ, ଡାକ୍ତରୀଦଳ, ଅଗ୍ନିଶମ ବିଭାଗର କର୍ମଚାରୀ ମୁତୟନ ଅଛନ୍ତି ।