୩ ସପ୍ତାହ ପାଇଁ ବନ୍ଦ ରହିବ ପାରାଦୀପ ଆଇଓସିଏଲ୍ ପ୍ଲାଣ୍ଟ୍
ପାରାଦୀପ: ପାରାଦୀପଠାରେ ଥିବା ଇଣ୍ଡିଆନ୍ ଓଏଲ୍ କର୍ପୋରେସନ୍ ଲିମିଟେଡ୍(ଆଇଓସିଏଲ୍) ପ୍ଲାଣ୍ଟ୍ ୨୨ ଦିନ ପର୍ଯ୍ୟନ୍ତ ବନ୍ଦ ରହିବ। ରକ୍ଷଣାବେକ୍ଷଣା ଓ ମରାମତି କାର୍ଯ୍ୟ ସକାଶେ ଏହି ପ୍ଲାଣ୍ଟ୍କୁ ବନ୍ଦ କରାଯାଉଛି ବୋଲି ଜଗତ୍ସିଂହପୁର ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର ଏ ନେଇ ଆଜି ସୂଚନା ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏହି ପ୍ଲାଣ୍ଟ୍ ଜୁଲାଇ ୨୫ରୁ ଅଗଷ୍ଟ ୧୫ ତାରିଖ ପର୍ଯ୍ୟନ୍ତ ବନ୍ଦ ରହିବ ବୋଲି ଜାଣିବାକୁ ମିଳିଛି। ଜନସମାଗମ ରୋକିବା ପାଇଁ ୩ ସପ୍ତାହ ଧରି ପ୍ଲାଣ୍ଟ୍ ଅଞ୍ଚଳରେ ୧୪୪ ଧାରା ଜାରି କରାଯିବ ବୋଲି ଜିଲ୍ଲାପାଳ ସୂଚନା ଦେଇଛନ୍ତି।
ଏହି ନିଷ୍ପତ୍ତି ଉଭୟ ଜିଲ୍ଲା ପ୍ରଶାସନ ଓ ଆଇଓସିଏଲ୍ କର୍ତ୍ତୃପକ୍ଷଙ୍କ ପକ୍ଷରୁ ମିଳିତ ଭାବେ ନିଆଯାଇଛି। ଆପଣଙ୍କ ସୂଚନା ସକାଶେ ଜଣାଇ ଦେଉଛୁ ଯେ, ୨୦୧୮ ମସିହା ପରଠାରୁ ପାରାଦୀପ ଆଇଓସିଏଲ୍ ପ୍ଲାଣ୍ଟ୍ର ରକ୍ଷଣାବେକ୍ଷଣା କାର୍ଯ୍ୟ ହୋଇନାହିଁ।