ବହୁ ଦଶନ୍ଧି ପରେ ଗଞ୍ଜାମ ଜିଲ୍ଲାର ପାଲୁର କେନାଲରେ ଦେଖିବାକୁ ମିଳିଲା ଇରାୱାଡ଼ି ଡଲ୍ଫିନ୍
ବ୍ରହ୍ମପୁର : ଗଞ୍ଜାମ ଜିଲ୍ଲାର ପାଲୁର କେନାଲରେ ବେଶ କିଛି ଦଶନ୍ଧି ବ୍ୟବଧାନ ପରେ ବିରଳ ଇରାୱାଡ଼ି ଡଲ୍ଫିନ୍ ଦେଖାଯାଇଛି। ତା’ପୁଣି ଗୋଟିଏ ଦୁଇଟି ନୁହେଁ, ଦଳ ଦଳ ଡଲ୍ଫିନ୍ ଦେଖାଯିବା ପ୍ରକୃତି ପ୍ରେମୀଙ୍କ ପାଇଁ ଖୁସି ଖବର। ବହୁ ଦଶନ୍ଧି ପରେ ଗଞ୍ଜାମ ଜିଲ୍ଲାର ପାଲୁର କେନାଲରେ ଇରାୱାଡ଼ି ଡଲ୍ଫିନ୍ ଦେଖିବାକୁ ମିଳିଛି। ଚିଲିକା ମୁହାଣ ସଫା କରାଯିବା ପରେ ପରେ କେନାଲର ଉପରମୁଣ୍ଡରୁ ଇରାଓ୍ବାଡ଼ି ଡଲ୍ଫିନ୍ଙ୍କ ଏକ ବଡ଼ ଦଳ ପାଲୁର କେନାଲକୁ ଚାଲି ଆସିଥିବା ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
Irrawaddy Dolphins sighted in Palur canal after few decades. The sighting of dolphin in Palur canal might be due to clearance of Khanda & gherries in upstream of the canal in Chilika lagoon, increase of water level and abundance of food that helps the harbouring of dolphin. pic.twitter.com/vqCRxcZJF2
— Susanta Nanda IFS (@susantananda3) June 30, 2020
ପାଲୁର କେନାଲ ବ୍ରିଟିସ ଅମଳରୁ ନିର୍ମିତ ଓ ଏହା ପାଲୁର ସାହେବ କେନାଲ ଭାବେ ପରିଚିତ। ଏହି କେନାଲ ନଅଙ୍କ ଦୁର୍ଭିକ୍ଷ ସମୟରେ ବ୍ରିଟସ୍ ମାନଙ୍କ ଦ୍ବାରା ଖନନ କରା ଯାଇଥିବା କୁହାଯାଏ। ଏହି ପ୍ରାଚୀନ ଲୁଣା କେନାଲଟି ଋଷିକୁଲ୍ୟା ମୁହାଣ ଏବଂ ଚିଲିକାରେ ମିଶିଛି। ପାଲୁର କେନାଲ କଡ଼େ କଡ଼େ ବେଆଇନ୍ ଚିଙ୍ଗୁଡ଼ି ଘେରି ଯୋଗୁଁ ଚିଲିକା ମୁହାଣ ପୋତି ହୋଇ ପଡ଼ିଥିଲା। ଚିଲିକା ଉନ୍ନୟନ କର୍ତ୍ତୃପକ୍ଷ(ସିଡିଏ) ଚିଲିକା ମୁହାଣ ଖନନ ସହ ସେଠାରେ ରହିଥିବା ଚିଙ୍ଗୁଡ଼ି ଘେରି ଖନ୍ଦା ଆଦି ହଟାଇଥିଲେ। ଏହାପରେ ଚିଲିକାରୁ କେନାଲରେ ଜଳପ୍ରବାହ ବୃଦ୍ଧି ପାଇଛି। ଫଳରେ ଚିଲିକାରୁ ଏକ ଇରାୱାଡ଼ି ଡଲ୍ଫିନ୍ ଦଳ ଆସି ପାଲୁର କେନାଲରେ ବିଚରଣ କରୁଥିବା ଚିଲିକା ମୁଖ୍ୟ କାର୍ଯ୍ୟ ନିର୍ବାହୀ ସୁଶାନ୍ତ ନନ୍ଦ ସୂଚନା ଦେଇଛନ୍ତି। ବର୍ତ୍ତମାନ ଚିଲିକାର ୧୫୦ରୁ ୧୭୦ଟି ଇରାୱାଡ଼ି ଡଲ୍ଫିନ୍ ରହିଛନ୍ତି।