ଭୁବନେଶ୍ୱର/ନୂଆଦିଲ୍ଲୀ: ଦିଲ୍ଲୀ ଏମ୍ସରେ ଚିକିତ୍ସିତ ହେଉଥିବା ଯୋଡାମୁଣ୍ଡ ଶିଶୁ ଜଗା-ବଳିଆଙ୍କ ସ୍ୱାସ୍ଥ୍ୟବସ୍ଥାରେ ସୁଧାର ଆସିଛିା ବଳିଆ ଅପେକ୍ଷା ଜଗାର ସ୍ୱାସ୍ଥ୍ୟବସ୍ଥାରେ ଶୀଘ୍ର ଉନ୍ନତି ଘଟୁଛି, ଗୁରୁବାର ମା’ କୋଳରେ ବସି ଜଗା ଭାତ, ଡାଲି, ଅଣ୍ଡା, ସୁପ୍, ଜୁସ୍ ଓ ମହୁ ଭଳି ଖାଦ୍ୟ ଖାଇଛି । କେବଳ ଏତିକି ନୁହେଁ ଜଗା ମା କୋଳରେ ବସୁଛି ଓ ଗୀତ ମଧ୍ୟ ଶୁଣୁଛି ବୋଲି କହିଛନ୍ତି ସ୍ୱାସ୍ଥ୍ୟମନ୍ତ୍ରୀ ପ୍ରତାପ ଜେନା।
Sambad is now on WhatsApp
Join and get latest news updates delivered to you via WhatsApp
ସେପଟେ ବଳିଆର ସ୍ୱାସ୍ଥ୍ୟବସ୍ଥାରେ ମଧ୍ୟ ଧିରେ ଧିରେ ଉନ୍ନତି ଘଟୁ ଥିବା ଡାକ୍ତର ସୂଚନା ଦେଇଛନ୍ତି। ବଳିଆ ହାତ ଗୋଡ ହଲାଉଛି । ଉଭୟ ଶିଶୁଙ୍କ ଉପରେ ଡାକ୍ତରୀଦଳ ନଜର ରଖିଛନ୍ତି । ନିୟମିତ ଭାବରେ ଉଭୟ ଶିଶୁଙ୍କର ସ୍ୱାସ୍ଥ୍ୟ ପରୀକ୍ଷା କରାଯାଉଛି ।
କନ୍ଧମାଳର ଯୋଡାମୁଣ୍ଡ ଶିଶୁ ଜଗା-ବଳିଆଙ୍କ ସ୍ୱାସ୍ଥ୍ୟବସ୍ଥାରେ ଉନ୍ନତି ଆସୁଥିବା ବେଳେ ତାଙ୍କ ଉଦ୍ଦେଶ୍ୟରେ କନ୍ଧମାଳ ଜିଲ୍ଲାର ସମସ୍ତ ସରକାର ଅଧିକାରୀ ଓ କର୍ମଚାରୀ ଗୋଟିଏ ଦିନର ଦରମା ଜିଲ୍ଲାପାଳଙ୍କୁ ଦେଇଛନ୍ତି। ପୂରା ରାଜ୍ୟରେ ଜଗା-ବଳିଆଙ୍କ ଆରୋଗ୍ୟ କାମନା କରାଯିବା ସହ କେବେ ଏମାନେ ସୁସ୍ଥ ହୋଇ ଘରକୁ ଫେରିବେ ତାହା ଉପରେ ଅପେକ୍ଷାରେ ସମସ୍ତେ ଅଛନ୍ତି।