ଆଜି ଜେଇଇ ଆଡଭାନ୍ସଡ୍ ରେଜଲ୍ଟ
ଭୁବନେଶ୍ବର : ଶୁକ୍ରବାର ପ୍ରକାଶ ପାଇବ ଜେଇଇ ଆଡଭାନ୍ସଡ୍ ପରୀକ୍ଷା ଫଳ। ପୂର୍ବାହ୍ନ ୧୦ଟାରେ ଜେଇଇ ଆଡଭାନ୍ସଡ୍ ୱେବସାଇଟ୍ରେ ଫଳ ଉପଲବ୍ଧ ହେବ। ରୢାଙ୍କ ହାସଲ କରିଥିବା ଛାତ୍ରଛାତ୍ରୀ ଭୁବନେଶ୍ବର ସମେତ ଦେଶରେ ଥିବା ୨୨ଟି ଆଇଆଇଟିର ୧୧ ହଜାର ୨୭୯ ସିଟ୍ରେ ନାମ ଲେଖାଇପାରିବେ। ଜେଇଇ ମେନ୍ ପରୀକ୍ଷାରେ ଶ୍ରେଷ୍ଠ ୨ ଲକ୍ଷ ୪୫ ହଜାର ଛାତ୍ରଛାତ୍ରୀ ଜେଇଇ ଆଡଭାନ୍ସଡ୍ ଦେବାକୁ ଯୋଗ୍ୟ ବିବେଚିତ ହୋଇଥିଲେ। ସେମାନଙ୍କ ମଧ୍ୟରୁ ୧ ଲକ୍ଷ ୭୩ ହଜାର ଛାତ୍ରଛାତ୍ରୀ ପରୀକ୍ଷା ଦେଇଥିଲେ। ଓଡ଼ିଶାରୁ ମୋଟ ୫ ହଜାର ଛାତ୍ରଛାତ୍ରୀ ଜେଇଇ ଆଡଭାନ୍ସଡ୍ ଦେବାକୁ ଯୋଗ୍ୟ ବିବେଚିତ ହୋଇଥିବା ବେଳେ ୩ ହଜାର ୨୬୧ ଛାତ୍ରଛାତ୍ରୀ ପରୀକ୍ଷା ଦେଇଛନ୍ତି। ରୢାଙ୍କ ପ୍ରକାଶ ପାଇବା ପରେ ଜଏଣ୍ଟ ସିଟ୍ ଆଲଟ୍ମେଣ୍ଟ ଅଥରିଟି(ଜୋସା) କର୍ତୃପକ୍ଷ ନାମଲେଖା ପରିଚାଳନା କରିବେ।