ଜେଇଇ ମେନ୍-୧ ପରୀକ୍ଷା ଫଳ : ସୌରଭ ଓଡ଼ିଶା ଟପର, ୯ ପ୍ରାର୍ଥୀ ରଖିଛନ୍ତି ଶତ ପ୍ରତିଶତ ନମ୍ବର
ନୂଆଦିଲ୍ଲୀ : ଜାନୁଆରିରେ ଅନୁଷ୍ଠିତ ହୋଇଥିବା ଜେଇଇ ମେନ-୧ ପରୀକ୍ଷା ଫଳ ପ୍ରକାଶ ପାଇଛି। ଆଜି ରାତିରେ ନ୍ୟାସନାଲ ଟେଷ୍ଟିଂ ଏଜେନ୍ସି (ଏନ୍ଟିଏ) ଏହି ପରୀକ୍ଷା ଫଳ ଘୋଷଣା କରିଛନ୍ତି। ଏହା ଜେଇଇ ମେନ୍ର ୱେବ୍ସାଇଟ୍ jeemain.nta.in ରେ ଉପଲବ୍ଧ ହେଉଛି। ଏହି ପରୀକ୍ଷାରେ ସର୍ବଭାରତୀୟସ୍ତରରେ ମୋଟ ୯ ଜଣ ଛାତ୍ର ୧୦୦ ପ୍ରତିଶତ ନମ୍ବର ରଖିଥିବାବେଳେ ଓଡ଼ିଶାର ଛାତ୍ର ସୌରଭ ସୌମ୍ୟକାନ୍ତ ଦାଶ ୯୯.୯୯%% ମାର୍କ ରଖି ଓଡ଼ିଶା ଟପର ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଜେଇଇ ମେନ୍ ପରୀକ୍ଷା ୨ଟି ପର୍ଯ୍ୟାୟରେ ୨୩୩ ସହର ଏବଂ ବିଦେଶରେ ୫୭୦ ପରୀକ୍ଷା କେନ୍ଦ୍ରରେ ଏକ ସଙ୍ଗରେ କରାଯାଇଥିଲା। ବିଇ/ବିଟେକ୍ ପରୀକ୍ଷା ପାଇଁ ମୋଟ ୯,୨୧,୨୬୧ ଜଣ ପଞ୍ଜୀକରଣ କରାଇଥିଲେ। ସେଥିରୁ ୮,୬୯,୦୧୦ ଆବେଦନକାରୀ ପରୀକ୍ଷାରେ ଅଂଶ ଗ୍ରହଣ କରିଥିଲେ। ସମସ୍ତ ପରୀକ୍ଷାର୍ଥୀଙ୍କୁ ରୢାଙ୍କ୍ ମିଳିଛି। ଏଥିରେ ୬,୦୪୯୮୧ ଛାତ୍ର, ୨,୬୪,୦୨୬ ଛାତ୍ରୀ ଓ ତିନି ଜଣ କିନ୍ନର ରହିଛନ୍ତି। ଓଡ଼ିଶାର ପ୍ରାୟ ୩୧ ହଜାର ଛାତ୍ରଛାତ୍ରୀ ଏହି ରୢାଙ୍କିଙ୍ଗ୍ ତାଲିକାରେ ସ୍ଥାନ ପାଇଛନ୍ତି। ଆସନ୍ତା ଏପ୍ରିଲ ୫ରୁ ୧୧ ତାରିଖ ଯାଏ ଜେଇଇ େମନ୍-୨ ଅନୁଷ୍ଠିତ ହେବ ଏବଂ ଏଥିପାଇଁ ପଞ୍ଜୀକରଣ ପ୍ରକ୍ରିୟା ଫେବ୍ରୁଆରି ୭ରୁ ଆରମ୍ଭ ହୋଇ ମାର୍ଚ୍ଚ ୭ ତାରିଖ ପର୍ଯ୍ୟନ୍ତ ଚାଲିବ ବୋଲି ଏନ୍ଟିଏ ପକ୍ଷରୁ ସୂଚନା ଦିଆଯାଇଛି।