ଠକେଇ ଅଭିଯୁକ୍ତ ଘରେ ନୋଟିସ ଲଗାଇଲା ଝାଡ଼ଖଣ୍ଡ ପୁଲିସ
ଯାଜପୁରସଦର: ଝାଡ଼ଖଣ୍ଡରୁ ଲକ୍ଷାଧିକ ଟଙ୍କା ଠକେଇ କରି ଫେରାର୍ ଥିବା ଅଭିଯୁକ୍ତ ଘରେ ନୋଟିସ ଲଗାଇଛି ଝାଡ଼ଖଣ୍ଡ ପୁଲିସ। ଅନ୍ୟପଟେ ଠକେଇର ଶିକାର ଲୋକମାନେ ନିଜର ଟଙ୍କା ଫେରସ୍ତ ପାଇଁ ଆଇନର ଆଶ୍ରୟ ନେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ପୁଲିସ ସୂଚନା ଅନୁସାରେ ଯାଜପୁର ଟାଉନ ଥାନା କପାସି ଗ୍ରାମର ପ୍ରଦୀପ କୁମାର ରାଉତ ୨୦୧୬ ରେ ଝାଡ଼ଖଣ୍ଡର ପୀଠରିଆ ଥାନା ଅଞ୍ଚଳରେ ରହିବା ସହ ସେଠାରେ ଋଣ ପ୍ରଦାନକାରୀ ସଂସ୍ଥା ଖୋଲିଥିଲେ। ସେହି ଆଳରେ ସେଠାର ଲୋକମାନଙ୍କଠାରୁ ଲକ୍ଷାଧିକ ଟଙ୍କା ଠକିନେଇ ଫେରାର ହୋଇଯାଇଥିଲେ। ପରେ ଅଭିଯୋଗକୁ ଭିତ୍ତି କରି ପୁଲିସ ଏନେଇ ୧୧/୧୬ରେ ମାମଲା ରୁଜୁ କରିଥିଲା। ସେବେଠାରୁ ପୁଲିସ ତାଙ୍କୁ ଖୋଜୁଥିବା ବେଳେ ପତ୍ତା ପାଇପାରୁନାହିଁ। ଶେଷରେ ଏହି ମାମଳାରେ ପିଠରିଆ ପୁଲିସ ଏଏସଆଇ ବିନୟ କୁମାର ରାମ ତଦନ୍ତ ପାଇଁ ଯାଜପୁର ଆସିଛନ୍ତି। ଟାଉନ ଥାନା ପୁଲିସ ଏଏସଆଇ ନନ୍ଦ କିଶୋର ଦାସଙ୍କ ସହଯୋଗରେ ସେ ଅଭିଯୁକ୍ତଙ୍କ ଘରକୁ ଯାଇ କୋର୍ଟ ନୋଟିସ ଲଗାଇଛନ୍ତି। ପ୍ରଦୀପ କୁମାର ରାଉତ ଯାଜପୁରର ବିଭିନ୍ନ ଅଞ୍ଚଳରୁ ଅନେକ ଲୋକଙ୍କଠାରୁ ମଧ୍ୟ ଲକ୍ଷାଧିକ ଟଙ୍କା ଠକି ନେଇଥିବା ପୁଲିସ ସୂଚନା ଦେଇଛି।