ଝୁମ୍ପୁରା ପଞ୍ଚାୟତ ସମିତି ମହାବିଦ୍ୟାଳୟରୁ ୩ କରୋନା ଆକ୍ରାନ୍ତ ଚିହ୍ନଟ
ଝୁମ୍ପୁରା : ଝୁମ୍ପୁରା ବ୍ଲକ୍ ବାରିଆ ପଞ୍ଚାୟତ କେନ୍ଦୁଆ ଗ୍ରାମରୁ ୩୦ ତାରିଖରେ ଜଣେ କରୋନା ଆକ୍ରାନ୍ତ ଚିହ୍ନଟ ହୋଇଥିବାବେଳେ ୮ ତାରିଖରେ ଝୁମ୍ପୁରା ପଞ୍ଚାୟତ ସମିତି ମହାବିଦ୍ୟାଳୟରୁ ୩ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଆକ୍ରାନ୍ତମାନେ କଲେଜ କର୍ମଚାରୀ ବୋଲି ଝୁମ୍ପୁରା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ପକ୍ଷରୁ କୁହାଯାଇଛି। ୮ ତାରିଖରେ ଝୁମ୍ପୁରା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ପକ୍ଷରୁ ଝୁମ୍ପୁରା ପଞ୍ଚାୟତ ସମିତି ମହାବିଦ୍ୟାଳୟରେ କରୋନା ଟେଷ୍ଟ କରାଯାଇଥିଲା। ଦୁଇଜଣ ପୁରୁଷ ଓ ଜଣେ ମହିଳା କର୍ମଚାରୀ କରୋନା ଆକ୍ରାନ୍ତ ହୋଇଥିବା ଜଣାପଡ଼ିଥିଲା।
Sambad is now on WhatsApp
Join and get latest news updates delivered to you via WhatsApp
ଉକ୍ତ କର୍ମଚାରୀମାନଙ୍କୁ ୩ଦିନ ହେବ ଜ୍ୱର ହେଉଥିଲା ବୋଲି ସୂଚନା ମିଳିଛି। ସେମାନଙ୍କୁ ଗୃହ ସଂଗରୋଧରେ ରହିବାକୁ ପରାମର୍ଶ ଦିଆଯାଇଛି। ଏକ ଡାକ୍ତରୀ ଦଳ ଆକ୍ରାନ୍ତଙ୍କ ଘରକୁ ଯାଇ ତଥ୍ୟ ସଂଗ୍ରହ କରିଥିବା ମେଡିକାଲ ଅଫିସର ଡା. ପବିତ୍ର କୁମାର ପତି ସୂଚନା ଦେଇଛନ୍ତି। ଏହି ଘଟଣା ପରେ ମହାବିଦ୍ୟାଳୟକୁ ବିଶୋଧନ କରାଯିବା ସହ ଦୁଇଦିନ ପାଇଁ ବନ୍ଦ କରାଯାଇଛି।