ଦାନଗଦୀ: ଜିନ୍ଦଲ ବିସ୍ଥାପିତଙ୍କ ଆନ୍ଦୋଳନ ଆଜି ଚତୁର୍ଥ ଦିନରେ ପହଞ୍ଚିଛି। ୩ ଦଫା ଦାବି ପୂରଣ ନ ହେବା ପର୍ଯ୍ୟନ୍ତ ଗଣଧାରଣା ଜାରି ରହିବ ବୋଲି ବିସ୍ଥାପିତ ପରିବାର ଲୋକେ ନିଜ ଜିଦରେ ଅଟଳ ରହିଛନ୍ତି। ଗୁରୁବାର ଜିଲ୍ଲା ପ୍ରଶାସନ ସେମାନଙ୍କ ସହ ଆଲୋଚନା କରିବା ସହ ୧୦ ଦିନ ସମୟ ମାଗିଥିଲେ ହେଲେ ସେମାନେ ସେଥିରେ ରାଜି ନ ହୋଇ ଫେରି ଆସିଥିଲେ।
Sambad is now on WhatsApp
Join and get latest news updates delivered to you via WhatsApp
କାରଖାନାରେ ଚାକିରି କରିଥିବା ବିସ୍ଥାପିତ ପରିବାରର ପ୍ରାୟ ୭୦ ଊର୍ଦ୍ଧ୍ବ ଲୋକ ସାମିଲ ହୋଇଥିଲେ। ଆଜି ସକାଳୁ ତ୍ରିଜଙ୍ଗା କଲୋନି ଓ କଣ୍ଟିପୁର କଲୋନିକୁ ସେମାନଙ୍କୁ ନେବାକୁ ଆସିଥିବା ବସ୍କୁ ଫେରାଇ ଦେଇଥିଲେ। ପରେ ସମସ୍ତେ କାରଖାନା ଫାଟକ ସମ୍ମୁଖରେ ନିଜ ପରିବାର ଲୋକଙ୍କ ସହିତ ଧାରଣାରେ ସାମିଲ ହୋଇଥିଲେ। ଶୀତକାକରରେ ଶତାଧିକ ଲୋକ ଧାରଣାରେ ବସିରହିଛନ୍ତି।