ଜିନ୍ଦଲ ବିସ୍ଥାପିତଙ୍କ ଧାରଣା ଜାରି
ଦାନଗଦୀ: କଳିଙ୍ଗନଗର ଶିଳ୍ପାଞ୍ଚଳର ଜିନ୍ଦଲ କାରଖାନା ସମ୍ମୁଖରେ ଚାଲିଥିବା ଜିନ୍ଦଲ ବିସ୍ଥାପିତଙ୍କ ଆନ୍ଦୋଳନ ଆଜି ଷଷ୍ଠ ଦିନରେ ପହଞ୍ଚିଛି। ଗତ ମଙ୍ଗଳବାର ଭୋରୁ ବିସ୍ଥାପିତମାନେ ୩ ଦଫା ଦାବିରେ ଗଣଧାରଣା ଆରମ୍ଭ କରିଥିଲେ। ଗତ ଗୁରୁବାର ଜିଲ୍ଲା ପ୍ରଶାସନ ସେମାନଙ୍କ ସହ ଆଲୋଚନା କରିଥିଲେ ଓ ୧୦ ଦିନ ସମୟ ମାଗିଥିଲେ ମଧ୍ୟ ବିସ୍ଥାପିତମାନେ ଏଥିରେ ରାଜି ହୋଇନଥିଲେ।
Sambad is now on WhatsApp
Join and get latest news updates delivered to you via WhatsApp
କାରଖାନାରେ ଚାକିରି କରିଥିବା ବିସ୍ଥାପିତ ପରିବାରର ଲୋକମାନେ ତ୍ରିଜଙ୍ଗା କଲୋନି ଓ କଣ୍ଟିପୁର କଲୋନିରୁ କାରଖାନାକୁ କର୍ମଚାରୀ ପରିବହନ କରୁଥିବା ବସ୍ ଫେରାଇ ଦେଇଥିଲେ। ୬ ଦିନ ଧରି ଗଣଧାରଣା ଚାଲିଥିଲେ ହେଁ ଦାବି ସମ୍ପର୍କରେ ଜିନ୍ଦଲ କର୍ତ୍ତୃପକ୍ଷ କିମ୍ବା ପ୍ରଶାସନ ପକ୍ଷରୁ କୌଣସି ସମାଧାନ ବାଟ ବାହାରିନାହିଁ। ଆସନ୍ତାକାଲିର ଧାରଣା ରଣନୀତି ସମ୍ପର୍କରେ କର୍ମକର୍ତ୍ତା ଆଜି ଏକ ବୈଠକ କରି ଆଲୋଚନା କରିଛନ୍ତି।