ବାଇକ୍ ଦୁର୍ଘଟଣାରେ ନାବାଳକ ମୃତ
ତେଲକୋଇ : କେନ୍ଦୁଝର ଜିଲ୍ଲା ତେଲକୋଇ ଥାନା ଅନ୍ତର୍ଗତ ଅରଖମୁଣ୍ଡା ଠାରେ ବାଇକ୍ ଦୁର୍ଘଟଣାରେ ଜଣେ ନାବାଳକଙ୍କ ମୃତ୍ୟୁ ଘଟିଛି। ମୃତକ ଜଣକ ହେଲେ ଅନୁଗୁଳ ଜିଲ୍ଲା ପାଲଲହଡ଼ା ଥାନା ଅନ୍ତର୍ଗତ ଇଲିସୁଆଁ ଗ୍ରାମର ଯୋଗେଶ୍ୱର ସୁଣ୍ଢିଙ୍କ ପୁଅ ପରନିସନ ସୁଣ୍ଢି(୧୫)।
Sambad is now on WhatsApp
Join and get latest news updates delivered to you via WhatsApp
ପରନିସନ ରଜ ପର୍ବ ପାଇଁ ନିଜ ମାମୁ ଘର ତେଲକୋଇ ଥାନା କାନ୍ତଲସୁଆ ଆସିଥିଲେ। ଗତକାଲି ସନ୍ଧ୍ୟା ୭ଟା ବେଳେ ଏକ ବାଇକ୍( ଓଡି ୦୯ ଡି ୦୫୫୨) ଯୋଗେ ମହେଶ୍ୱର ମୁଣ୍ଡା ସହିତ ନିଜ ଘରକୁ ଫେରୁଥିଲେ। ବାଇକ୍ଟି ଭାରସାମ୍ୟ ହରାଇ ଅରଖମୁଣ୍ଡା ନିକଟ ରାସ୍ତା କଡ଼ରେ ଥିବା ଏକ ଶାଳ ଗଛ ସହିତ ଧକ୍କା ହୋଇଥିଲା। ଫଳରେ ଉଭୟ ଛିଟିକି ପଡ଼ିଥଲେ। ଏହି ଦୁର୍ଘଟଣାରେ ପରନିସନ ଗୁରୁତର ଆହତ ହୋଇଥିଲେ। ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ତେଲକୋଇ ଡାକ୍ତରଖାନାରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏନେଇ ତେଲକୋଇ ଥାନାରେ ଏକ ଅପମୃତ୍ୟୁ ମାମଲା ରୁଜୁ କରାଯାଇ ଶବ ବ୍ୟବଚ୍ଛେଦ କରାଯାଇଛି। ଏହି ଘଟଣା ସ୍ଥାନୀୟ ଅଞ୍ଚଳରେ ଶୋକ ପ୍ରକାଶ ପାଇଛି।