ଥୁଆମୂଳ ରାମପୁର : ବର୍ତ୍ତମାନ ଶୀତର ଲହରିରେ କଳାହାଣ୍ତି ଜିଲ୍ଲାର ଆଦିବାସୀ ଅଧ୍ୟୁଷିତ ଥୁଆମୂଳ ରାମପୁର ବ୍ଲକର ବହୁ ଅ˚ଚଳ ଥରୁଛି। ସକାଳ ୧୦ଟା ପୂର୍ବରୁ ଘରୁ ବାହାରକୁ ବାହାରିବା ସମ୍ଭବ ହେଉନଥିବା ବେଳେ ସ˚ଧ୍ୟା ୪ଟାରେ ପ୍ରାୟତଃ ତାଟି କବାଟ ପଡିଯାଉଛି। କାଠ ଜାଳି ଲୋକେ ଘର ଭିତରକୁ ଉଷୁମ କରୁଥିବା ଦେଖାଯାଉଛି।
Sambad is now on WhatsApp
Join and get latest news updates delivered to you via WhatsApp
ବେସରକାରୀ ସୂତ୍ରରୁ ପ୍ରକାଶ ଯେ, ଗତ ରବିବାର ଦିନ ଠାରୁ ପାରଦ ନିମ୍ନଗାମୀ ହେବାରେ ଲାଗିଛି। ରବିବାର ୬ ଡିଗ୍ରି ରହିଥିବା ବେଳେ ସୋମବାର ୫ ଓ ମଙ୍ଗଳବାର ଠାରୁ ୪.୬ରୁ କମିବାରେ ଲାଗିଛି। ଶୀତର ପ୍ରକୋପ ବୃଦ୍ଧି ପାଉଥିବାରୁ ଇନ୍ଦ୍ରାବତୀ ଜଳ ଭଣ୍ତାର ମଧ୍ୟରେ ଥିବା ତଲନାଗୀ, ପୋଡାପଦର ସମେତ କାଣୀଗୁମା, ନାକରୁଣ୍ତି, ସିଲେଟ, କେରପାଇ, ଗୁଣପୁର,ତଲଆମପଦର, କର୍ଲାପାଟ ଅ˚ଚଳବାସୀ ଶୀତରେ ଥରୁଛନ୍ତି। ଚଳିତ ବର୍ଷ ଆହୁରି ଶୀତର ପ୍ରକୋପ ବୃଦ୍ଧି ପାଇବାର ଆଶଙ୍କା ରହିଛି। ବର୍ତମାନ ମଧ୍ୟ ସିଲେଟ ଅ˚ଚଳରେ ତୁଷାରପାତ ହେଉଥିବାର ସୂଚନା ମିଳୁଛି। ଜିଲ୍ଲା ପ୍ରଶାସନ ତରଫରୁ ଅସହାୟ ମାନଙ୍କୁ ସହାୟତା ଯୋଗାଇ ଦେବା ପାଇଁ ସାଧାରଣରେ ଦାବି ହେଉଛି।