କଳାହାଣ୍ଡି ଜିଲ୍ଲା ପ୍ରାଥମିକ ଶିକ୍ଷକ ସଂଘ ପକ୍ଷରୁ ଅବଦୁଲ କଲାମଙ୍କ ଜୟନ୍ତୀ ପାଳିତ

ଭବାନୀପାଟଣା : କଳାହାଣ୍ଡି ଜିଲ୍ଲା ପ୍ରାଥମିକ ଶିକ୍ଷକ ସଂଘ ହରିପୁର ରୋଡ଼ ପକ୍ଷରୁ କୋଭିଡ ନିୟମକୁ ମାନି ଭବାନୀପାଟଣା ସହରସ୍ଥିତ ସ୍ଥାନୀୟ ପ୍ରାଥମିକ ଶିକ୍ଷକ ଭବନଠାରେ ପୂର୍ବତନ ରାଷ୍ଟ୍ରପତି ଏପିଜେ ଅବଦୁଲ କଲାମଙ୍କ ଜନ୍ମ ଜୟନ୍ତୀ ପାଳିତ ହୋଇଥିଲା । ପ୍ରାଥମିକ ଶିକ୍ଷକ ସଙ୍ଘର ସଭାପତି ମୋନାଜ କୁମାର ପାଣିଗ୍ରାହୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ଅବଦୁଲ କାଲାମଙ୍କ ଜନ୍ମ ଜୟନ୍ତୀ ଶ୍ରଦ୍ଧାଞ୍ଜଳି ପୂର୍ବକ ତାଙ୍କ ପ୍ରତିମୂର୍ତ୍ତୀରେ ପୁଷ୍ପମାଲ୍ୟ ଅର୍ପଣ କରିବା ସହ ଅବଦୁଲ କଲାମଙ୍କ କଳାହାଣ୍ଡି ଗସ୍ତ ଓ ଶିକ୍ଷକ ଭବନ ଉନ୍ମୋଚନ କଥା ଏବଂ କଲମଙ୍କ ବୀରତ୍ୱ ଆଲୋଚନା କରାଯାଇଥିଲା।

ଏହି କାର୍ଯ୍ୟକ୍ରମରେ ପ୍ରାଥମିକ ଶିକ୍ଷକ ସଂଘର ସାଧାରଣ ସମ୍ପାଦକ ଧୀରେନ୍ଦ୍ର କୁମାର ପଟ୍ଟନାୟକ, ପ୍ରେମଚାନ୍ଦ ମହାପାତ୍ର, ମଧୁସୂଦନ ପଧାନ,ଦିପକ କୁମାର ଦାସ, ପ୍ରଭାତ ରଜଂନ ପାଣୀଗ୍ରାହୀ, ଯୋଗେଶ୍ୱର ମିଶ୍ର, ବିରେନ୍ଦ୍ର ବାଗ, ଅମରେନ୍ଦ୍ର ପଟ୍ଟନାୟକ, ଶ୍ରୀନିବାସ ଆଚାରୀ, ଶିବ ପ୍ରସାଦ ଦାସ, ପ୍ରମୋଦ କୁମାର ବଶି, ସଦର ବ୍ଲକ ସମ୍ପାଦକ ପୂର୍ଣ୍ଣଶଶି ମହାନ୍ତି, ସଦର ବ୍ଲକ ବରିଷ୍ଠ ଶିକ୍ଷକ ନତୋ ସୂର୍ଯ୍ୟନାରାୟଣ ଦାସ, ଦୁର୍ଯ୍ୟୋଧନ ମାଝୀ, ଦୁର୍ଯ୍ୟୋଧନ ପାଣିଗ୍ରାହୀ , ସିମାଦ୍ରି ସନ୍ତୋଷ ଆଚାରୀ ପ୍ରମୁଖ ଉପସ୍ଥିତ ରହି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।