ବାଙ୍କୀ: କେବିସି ନାଁରେ ଠକେଇ । ଲୋକପ୍ରିୟ ଟେଲିଭିଜିନ କାର୍ଯ୍ୟକ୍ରମ ‘କୌନ ବନେଗା କରୋଡପତି’ର ଲଟେରୀ ଉଠାଣ ନାମରେ ବାଙ୍କୀର ଜଣେ ଯୁବତୀଙ୍କ ଠାରୁ ଟଙ୍କା ଠକି ନେବାର ଉଦ୍ୟମ ବିଫଳ ହୋଇଛି । କିଛି ସାଇବର ଠକ ଯୁବତୀଙ୍କୁ ଫୋନ କରି ସେ କେବିସିର ଲଟେରୀ ପ୍ରତିଯୋଗିତାରେ ୨୫ ଲକ୍ଷ ଟଙ୍କା ଜିତିଥିବା କହିଥିଲେ । ଯୁବତୀଙ୍କ ଜଣଙ୍କ ରାଜି ନ ହେବାରୁ ତାଙ୍କ ହ୍ୱାଟ୍ସଆପରେ ସେହି ଠକମାନେ ଅନେକ ଆକର୍ଷଣୀୟ ଅଫର ଦେଇଥିଲେ ।
Sambad is now on WhatsApp
Join and get latest news updates delivered to you via WhatsApp
ଆଉ ୨୫ ଲକ୍ଷ ଟଙ୍କା ଜିତିବାକୁ ହେଲେ ଯୁବତୀଙ୍କୁ ୧୪ହଜାର ୫୦୦ ଟଙ୍କା ଦେବାକୁ ପଡିବ ବୋଲି ଠକମାନେ କହିଥିଲେ । ତେବେ ଅପରାଧିଙ୍କ କଥାରେ ରାଜି ହୋଇ ଯୁବତୀ ଜଣଙ୍କ ଟଙ୍କା ପୈଠ ପାଇଁ ବ୍ୟାଙ୍କ ଯାଇଥିଲେ । ସେତେବେଳେ ଏହି ଘଟଣାଟି ସାମ୍ନାକୁ ଆସିଥିଲା ।
ଆଜିକାଲି ଇଂଟରନେଟ ଯୁଗରେ ସାଇବର କ୍ରାଇମ ମଧ୍ୟ ବଢି ଚାଲିଛି । ଆଉ ଅନଲାଇନରେ ଟଙ୍କା ଠକେଇ ଯେପରି ଏକ ମାମୁଲି କଥା ହୋଇ ଗଲାଣି । ତେବେ କେବିସି ନାଁ କହି ଟଙ୍କା ଲୁଟିବାର ନେବାର ଏହି ଶୈଳୀକୁ ନେଇ ସ୍ଥାନୀୟ ଅଂଚଳରେ ବେଶ ଚର୍ଚ୍ଚା ହେବାରେ ଲାଗିଛି ।