କୋଡ଼ିଙ୍ଗା ହାଜତ ମୃତ୍ୟୁ ଘଟଣା: କ୍ଷତିପୂରଣ ଦେବାକୁ ବିଧାୟକ ପ୍ରତିଶ୍ରୁତି ଦେବା ପରେ ଶବ ସତ୍କାର କଲେ ପରିବାର ଲୋକେ
ନବରଙ୍ଗପୁର: କ୍ଷତିପୂରଣ ଦେବାକୁ ସ୍ଥାନୀୟ ବିଧାୟକ ମନୋହର ରନ୍ଧାରି ପ୍ରତିଶ୍ରୁତି ଦେବା ପରେ ପୁଲିସମାଡ଼ରେ ମୃତ୍ୟୁ ଘଟିଛି ବୋଲି କୁହାଯାଉଥିବା ଅଭିଯୁକ୍ତ ଗୋବର୍ଦ୍ଧନ ବିନ୍ଧାଣୀଙ୍କ ଶବ ସୋମବାର ପୂର୍ବାହ୍ନରେ ତାଙ୍କ ପରିବାର ଲୋକେ ଓ ଗ୍ରାମବାସୀ ସତ୍କାର କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ରବିବାର ସନ୍ଧ୍ୟାରେ ତାଙ୍କ ଗାଁ ବଡ଼ପାଞ୍ଜିରାଗୁଡ଼ା ଗାଁ’ରେ ପହଞ୍ଚିଥିଲେ ସୁଦ୍ଧା ପରିବାର ଲୋକେ ସୋମବାର ପୂର୍ବାହ୍ନ ଯାଏଁ ଶବ ଉଠାଇ ନ ଥିଲେ।
ଗୋବର୍ଦ୍ଧନଙ୍କ ମୃତ୍ୟୁ ପାଇଁ କ୍ଷତିପୂରଣ ଦେବା ଏବଂ ଆଇଆଇସି ଓ ଚଢ଼ଉରେ ସାମିଲ ହୋଇଥିବା ଅନ୍ୟ ପୁଲିସ କର୍ମଚାରୀଙ୍କୁ ନିଲମ୍ବନ କରିବାକୁ ଦାବି କରି ଗ୍ରାମବାସୀମାନେ ଅଡ଼ିବସିଥିଲେ।