ଭାସିଗଲା କୋଏଲ ନଦୀର ବାଉଁଶ ପୋଲ, ରାଉରକେଲା ସହରକୁ ଆସୁଥିବା ତିନି ବ୍ଲକବାସୀଙ୍କ ଚିନ୍ତା ବଢ଼ିଲା
ରାଉରକେଲା : ରାଉରକେଲା ସହରରେ ଓ ଝାଡ଼ଖଣ୍ଡରେ ଅବିଶ୍ରାନ୍ତ ବର୍ଷାର ପ୍ରଭାବରେ ଗତକାଲି ରାତିରେ କୋଏଲ ନଦୀର ବାଉଁଶ ପୋଲ ଭାସିଯାଇଛି l ଏହା ଫଳରେ ରାଉରକେଲା ସହରକୁ ଆସୁଥିବା କୁଆଁରମୁଣ୍ଡା, ନୂଆଗାଁ ଅଞ୍ଚଳବାସୀଙ୍କ ସମସ୍ୟା ବଢିଯାଇଛି l କୋଏଲ ନଦୀ ଉପରେ ଏହି ବାଉଁଶ ପୋଲ ରାଉରକେଲା ସେକ୍ଟର – ୨୦ ବୈକୁଣ୍ଠ ଘାଟରୁ କୁଆଁରମୁଣ୍ଡାକୁ ସଂଯୋଗ କରୁଛି l
Sambad is now on WhatsApp
Join and get latest news updates delivered to you via WhatsApp
ପ୍ରତିଦିନ ନୂଆଗାଁର ଶହ ଶହ ପରିବା ଚାଷୀ ପନିପରିବା ବିକିବାକୁ ଏହି ପୋଲ ଉପର ଦେଇ ରାଉରକେଲା ସହରର ବିଭିନ୍ନ ମାର୍କେଟକୁ ଆସିଥାନ୍ତିl କୋଏଲ ନଦୀରେ ବ୍ୟାରେଜ ନିର୍ମାଣ ପାଇଁ ପ୍ରାୟ ୬ ବର୍ଷ ତଳେ ରାଜ୍ୟ ସରକାର ଶିଳାନ୍ୟାସ କରିଥିଲେ l କିନ୍ତୁ ଏଯାଏଁ ଇଟା ଖଣ୍ଡିଏ ବି ପଡ଼ି ନାହିଁ l ସେପଟେ ବାରମ୍ବାର ବାଉଁଶ ପୋଲ ଭାସି ଯାଉଥିବାରୁ ପ୍ରତି ବର୍ଷ ତିନି ବ୍ଲକବାସୀଙ୍କୁ ନାହିଁ ନ ଥିବା ଅସୁବିଧାର ସମ୍ମୁଖୀନ ହେବାକୁ ପଡ଼ୁଛି l ଏହା ଏବେ ଚର୍ଚ୍ଚାର ବିଷୟ ହୋଇଛି।