ଭିଜିଲାନ୍ସ ଜାଲରେ କୋଟିପତି ଶିକ୍ଷକ
କେନ୍ଦ୍ରାପଡ଼ା/ମାର୍ଶାଘାଇ : କେନ୍ଦ୍ରାପଡ଼ା ଜିଲ୍ଲା ଜମପଡ଼ା ବାଳିକା ଉଚ୍ଚ ବିଦ୍ୟାଳୟର ଶିକ୍ଷକ ର˚ଜନ କୁମାର ନାୟକ ଭିଜିଲାନ୍ସ ଜାଲରେ ପଡ଼ିଛନ୍ତି। ତାଙ୍କ ପାଖରୁ ଭିଜିଲାନ୍ସ ଟିମ୍ କୋଟିଏରୁ ଅଧିକ ମୂଲ୍ୟର ସମ୍ପତ୍ତି ଠାବ କରିଛି ଓ ଟିମ୍ ତାଙ୍କୁ ଅଟକ ରଖିଛି।
Sambad is now on WhatsApp
Join and get latest news updates delivered to you via WhatsApp
ଆଜି ସକାଳୁ ଭିଜିଲାନ୍ସର ୪ଟି ଟିମ୍ ଶ୍ରୀ ନାୟକଙ୍କ କଳପଡ଼ାସ୍ଥିତ ବାସଭବନ ସମେତ ମେହେନ୍ଦିନଗର ପଞ୍ଚାୟତ ବାହାକଣ୍ତିଆସ୍ଥିତ ତାଙ୍କ ଶ୍ବଶୁର ଘର, ଜମପଡାସ୍ଥିତ ତାଙ୍କ ସଢ଼ୁଙ୍କ ଘର ଓ କର୍ମକ୍ଷେତ୍ର ଜମପଡା ଉଚ୍ଚ ବିଦ୍ୟାଳୟରେ ଚଢ଼ଉ କରିଥିଲେ। ଯାଞ୍ଚ ବେଳେ ଶ୍ରୀ ନାୟକଙ୍କ ସମ୍ପତ୍ତିର ମୂଲ୍ୟ ୧ କୋଟି ୬୦ ଲକ୍ଷ ଟଙ୍କା ହେବ ବୋଲି ପ୍ରାଥମିକ ଅଟକଳରୁ ଜଣାପଡ଼ିଛି। ତାଙ୍କ ପାଖରୁ ଭିଜିଲାନ୍ସ ଟିମ୍ ୧୮୦୦ ଟଙ୍କା ଜବତ କରିଥିବା ବେଳେ ବ୍ୟାଙ୍କ ବନ୍ଦ ଥିବା କାରଣରୁ ବ୍ୟାଙ୍କରେ ଥିବା ରାଶି ଓ ସମ୍ପତ୍ତିର ତଥ୍ୟ ମିଳିପାରି ନାହିଁ। ଶ୍ରୀ ନାୟକ ସମ୍ପତ୍ତିର ଆୟ ଉତ୍ସ ସମ୍ପର୍କରେ ସଠିକ୍ ତଥ୍ୟ ଦେଇ ପାରି ନ ଥିବାରୁ ଭିଜିଲାନ୍ସ ଟିମ୍ ତାଙ୍କୁ ହେପାଜତକୁ ନେଇ ପଚରାଉଚୁରା କରୁଥିବା ଜଣାପଡ଼ିଛି।