କୋରାପୁଟ ସାଂସଦ ଝିନ୍ନ ହିକକାଙ୍କ ଅଙ୍ଗରକ୍ଷୀ ହେଲେ ଓଏଏସ୍
ମାଲକାନଗିରି : ମାଲକାନଗିରି ଜିଲ୍ଲାରେ ତିନି ତିନି ଜଣ ଓଡିଶା ପ୍ରଶାସନିକ ପରୀକ୍ଷାରେ କୃତକାର୍ଯ୍ୟ ହୋଇ ଜିଲ୍ଲା ପାଇଁ ଗର୍ବ ଓ ଗୌରବ ଆଣିଛନ୍ତି। ମାଲକାନଗିରି ଭଳି ଉପାନ୍ତ ଜିଲ୍ଲାରୁ ଏଭଳି ସଫଳତା ପାଇବା କଷ୍ଟକର ହୋଇଥିଲେ ହେଁ ଏହାକୁ ସମ୍ଭବ କରି ଦେଖାଇଛନ୍ତି ଜିଲ୍ଲାର ସନ୍ଧ୍ୟା ସମରଥ, ମୋନିକା ରାୟ ଓ ନୀଳାଦ୍ରି ବିହାରି ଦାଡିଆ। ୯୭ତମ ରୢାଙ୍କରେ କୃତକାର୍ଯ୍ୟ ହୋଇଛନ୍ତି ନୀଳାଦ୍ରି ।
Sambad is now on WhatsApp
Join and get latest news updates delivered to you via WhatsApp
ନୀଳାଦ୍ରି ଗତ ୨୦୦୨ ମସିହାରେ କନେଷ୍ଟବଳ ପରୀକ୍ଷା ଦେଇ ସଫଳ ହୋଇଥିଲେ। କନେଷ୍ଟବଳ ଚାକିରି ପରେ ମାଓ ଦମନ ପାଇଁ ହାଇଦ୍ରାବାଦରେ ଗ୍ରେହାଉଣ୍ଡ ତାଲିମ ନେଇଥିଲେ। ୨୦୦୯ରେ ସ୍ପେଶାଲ ସିକ୍ୟୁରିଟି ଵିଙ୍ଗରେ ଯୋଗ ଦେଇଥିଲେ । ଏଠାରେ ଯୋଗଦାନ ପରେ କୋରାପୁଟ ସାଂସଦ ଝିନ୍ନ ହିକକାଙ୍କ ଅଂଗରକ୍ଷୀ ରୂପେ ନିଯୁକ୍ତି ପାଇଥିଲେ। ଅଙ୍ଗରକ୍ଷୀ କାମ କରିବା ସହ ସମୟ ବାହାର କରି ପାଠ ପଢିଥିଲେ। ସେ ଆଜି ମାଲକାନଗିରି ପହଞ୍ଚିବା ପରେ ତାଙ୍କ ଶୁଭେଚ୍ଛୁ, ବନ୍ଧୁ ଓ ପୁଲିସ ବିଭାଗ ପକ୍ଷରୁ ଭବ୍ୟ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା। ଏକ ମୋଟର ସାଇକେଲ ଶୋଭାଯାତ୍ରାରେ ପରିକ୍ରମା କରାଯାଇଥିଲା । ମାଲକାନଗିରି ଜିଲ୍ଲାରେ ସେବା କରିବାର ସୁଯୋଗ ମିଳିଲେ ବହୁ କାମ କରିପାରନ୍ତେ ବୋଲି କହିଛନ୍ତି ନୀଳାଦ୍ରୀ ।