ଭୁବନେଶ୍ୱର: ଭାରତ କୋଭିଡ-୧୯ ଭଳି ଏକ ମହାମାରିର ମୁକାବିଲା କରୁଥିବା ବେଳେ ଆମେ ପରସ୍ପର ଲାଗି ସହାୟତାର ହାତ ବଢ଼ାଇବା ଦରକାର। ଘରମାଲିକଙ୍କୁ ଅପିଲ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି, ଗରିବମାନଙ୍କୁ ୩ ମାସର ଭଡ଼ା ଘରମାଲିକମାନେ ନ ମାଗନ୍ତୁ । ନବୀନ ଟୁଇଟ ଜରିଆରେ ଏହି ଅପିଲ କରିଛନ୍ତି । ଘର ଭଡ଼ା ସଂପୂର୍ଣ୍ଣ ଛାଡ଼ ଅଥବା ତିନି ମାସ ବିଳମ୍ବରେ ଆଦାୟ ପାଇଁ ସେ ଅପିଲ କରିଛନ୍ତି । ଏଥି ସହିତ ମୁଖ୍ୟମନ୍ତ୍ରୀ ସମଗ୍ର ବିଶ୍ୱ ପାଇଁ ଉଦାହରଣ ସୃଷ୍ଟି କରିବାକୁ ଏହି ପ୍ରସ୍ତାବ ଦେଇଛନ୍ତି । ଲକଡାଉନ ସମୟରେ ପରସ୍ପରକୁ ସହାଯ୍ୟ କରନ୍ତୁ ବୋଲି ମୁଖ୍ୟମନ୍ତ୍ରୀ ନିବେଦନ କରିଛନ୍ତି । ସେ କହିଛନ୍ତି ମହାମାରୀ କରୋନା ବିରୋଧରେ ସମସ୍ତେ ମିଳିତ ଭାବେ ଲଢ଼େଇ କରିବା ଦରକାର।
Sambad is now on WhatsApp
Join and get latest news updates delivered to you via WhatsApp
It is time for everyone to be there for each other as the entire country is under lockdown & fighting an unprecedented pandemic of #COVID19. Appeal house owners to be compassionate to poor & waive off or at least defer the rent by 3 months. Let’s show the world that #OdishaCares pic.twitter.com/KhSbrtJFTg
— Naveen Patnaik (@Naveen_Odisha) April 2, 2020
ସୂଚନାଯୋଗ୍ୟ, ପୂର୍ବରୁ କେନ୍ଦ୍ର ସରକାର ଘରମାଲିକମାନଙ୍କୁ ନିର୍ଦ୍ଦେଶ ଦେଇଥିଲେ ଯେ ଘର ମାଲିକମାନେ ଲକଡାଉନ ସମୟରେ ଗରିବ ଶ୍ରେଣୀର ଲୋକମାନଙ୍କୁ ଘର ଭଡ଼ା ନ ମାଗନ୍ତୁ ଏବଂ ତାଙ୍କୁ ଘରୁ ବାହାର କରନ୍ତୁ ନାହିଁ।