ସଂପନ୍ନ ହେଲା ପଦ୍ମଶ୍ରୀ ନନ୍ଦ ସାରଙ୍କ ଶେଷକୃତ୍ୟ, ଗାର୍ଡ ଅଫ ଅନର ସହ ଦିଆଗଲା ବିଦାୟ
ଯାଜପୁର: ଯାଜପୁରର ଗର୍ବ ଆଉ ଗୌରବ ପଦ୍ମଶ୍ରୀ ଗୁରୁ ନନ୍ଦ କିଶୋର ପୃଷ୍ଟିଙ୍କ ଭୁବନେଶ୍ୱରର ଘରୋଇ ହସ୍ପିଟାଲରେ କୋଭିଡରେ ଦେହାନ୍ତ ହେବାପରେ ଶେଷକୃତ୍ୟ ସଂପନ୍ନ ହୋଇଛି। ଶେଷକୃତ୍ୟ ପାଇଁ ତାଙ୍କୁ ଯାଜପୁର ବୈତରଣୀ ନଦୀ କୂଳରେ ଥିବା ବାରୁଣୀ ମହା ଶ୍ମଶାନକୁ ଅଣାଯାଇଥିଲା । ପ୍ରଥମେ ପଦ୍ମଶ୍ରୀ ନନ୍ଦକିଶୋର ପୃଷ୍ଟିଙ୍କୁ ଗାର୍ଡ ଅଫ ଅନର ପ୍ରଦାନ କରାଯିବା ସହ ନନ୍ଦ ସାରଙ୍କ ସାନ ପୁଅ ନିରଞ୍ଜନ ପୃଷ୍ଟି ମୁଖାଗ୍ନି ଦେଇଥିଲେ ।
Sambad is now on WhatsApp
Join and get latest news updates delivered to you via WhatsApp
ତେବେ ସୁକିନ୍ଦା ବିଧାୟକ ପ୍ରୀତିରଞ୍ଜନ ଘଡେ଼ଇ, ଯାଜପୁର ଜିଲ୍ଲାପାଳ ଚକ୍ରବର୍ତ୍ତୀ ସିଂ ରାଠୋଡ଼, ଯାଜପୁର ଏସପି ରାହୁଲ ପିଆରଙ୍କ ସମେତ ପୁଲିସ ବିଭାଗ ଓ ଜିଲା ପ୍ରଶାସନ ଏବଂ ସ୍ବାସ୍ଥ୍ୟ ବିଭାଗର ବରିଷ୍ଠ ଅଧିକାରୀ ଯୋଗାଦାନ ଦେଇଥିଲେ । ତେବେ କୋଭିଡ ପ୍ରୋଟୋକଲ ଥିବାରୁ ଭୁବନେଶ୍ୱରରୁ ନନ୍ଦ ସାରଙ୍କୁ ଘରକୁ ନିଆ ନଯାଇ ମହା ଶ୍ମଶାନକୁ ଆଣା ଯାଇଥିଲା । ତାଙ୍କ ବିୟୋଗରେ ବିଧାୟକ ପ୍ରୀତିରଞ୍ଜନ ଘଡାଇ ଶୋକବ୍ୟକ୍ତ କରିବା ସହ ଜିଲ୍ଲା ପ୍ରଶାସନ ପକ୍ଷରୁ ମଧ୍ୟ ଶୋକ ପ୍ରକାଶ କରାଯାଇଥିଲା ।