ଭୁବନେଶ୍ବର: ନିୟମ ମାନିଲେନି ନେତା । ଥଣ୍ଡା, ଜ୍ୱର ସତ୍ୱେ ବିଧାୟକ କଲେ ବୈଠକ । ପୋଲସରା ଚିରିକିପଡା ଶାସନ ଛକରେ ବୁଧବାର ଆୟୋଜିତ ହୋଇଥିଲା ଏହି ବୈଠକ । ବୈଠକରେ ସାମିଲ ହୋଇଥିବା ବିଧାୟକ ଓ କର୍ମୀ ସରକାରଙ୍କ ଗାଇଡଲାଇନକୁ ଖୋଲାଖୋଲି ଉଲଂଘନ କରିଛନ୍ତି । ସବୁଠାରୁ ବଡ କଥା ହେଉଛି, ବିଧାୟକ ନିଜେ କହୁଛନ୍ତି, ତାଙ୍କୁ ଦୁଇ ଦିନ ହେଲା ଜ୍ୱର ହେଉଛି । ଥଣ୍ଡା ଧରିଛି, କାଶ ହେଉଛି । ବୈଠକରେ ଶହ ଶହ ଲୋକଙ୍କ ପାଖକୁ ଯାଉଥିବାରୁ କୋଭିଡ୍ ଟେଷ୍ଟ ମଧ୍ୟ କରିଛନ୍ତି । ହେଲେ କୋଭିଡ ରିପୋର୍ଟ ଆସିନାହିଁ ।
Sambad is now on WhatsApp
Join and get latest news updates delivered to you via WhatsApp
କୁଜଙ୍ଗରେ ଆୟୋଜିତ ହୋଇଥିବା ପାରାଦ୍ୱୀପ ନିର୍ବାଚନ ମଣ୍ଡଳୀ ସ୍ତରୀୟ ବିଜେଡି ବୈଠକରେ ବି ସମାନ ଦୃଶ୍ୟ ଦେଖିବାକୁ ମିଳିଛି । ବୈଠକରେ ସ୍ଥାନୀୟ ବିଧାୟକ, ସାଂସଦ ଓ ମନ୍ତ୍ରୀ ସାମିଲ ହୋଇଛନ୍ତି । ଗୋଟିଏ ମଣ୍ଡପରେ ଏକାଠି ହୋଇଛନ୍ତି ଶହ ଶହ ସଂଖ୍ୟାରେ ଲୋକ । ହେଲେ କେହି ବି କଟକଣାକୁ ମାନୁନାହାଁନ୍ତି ।