ରାଜ୍ୟର ଅଧିକା˚ଶ ଜିଲ୍ଲାରେ ମଦ ହୋମ୍ ଡେଲିଭରି ଆରମ୍ଭ
କଟକ : ଆଜିଠାରୁ ରାଜ୍ୟର ଅଧିକା˚ଶ ଜିଲ୍ଲାରେ ମଦର ଅନଲାଇନ୍ କାରବାର ଆରମ୍ଭ ହୋଇଯାଇଛି। କଟକ ଓ ଭୁବନେଶ୍ବରରେ ଏମଜିକ୍ୟୁ ଛାଡ଼ କରିବାକୁ ସ˚ଘର ଯେଉଁ ଦାବି ଥିଲା, ସେସବୁ ସମାଧାନ କରାଯାଇଛି। ଆସନ୍ତାକାଲିଠାରୁ ରାଜ୍ୟର ୨ ହଜାର ପାଖାପାଖି ଅଫ୍ ଓ ଅନ୍ ସପ୍ ଖୋଲିବା ନେଇ ସୂଚନା ମିଳିଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ଆଜି ପ୍ରଥମ ଦିନରେ ରାଉରକେଲା, ଭବାନୀପାଟଣା, ନବରଙ୍ଗପୁର, ନୟାଗଡ଼, ବାଲେଶ୍ବର, ଢେଙ୍କାନାଳ, ପୁରୀ, ସମ୍ବଲପୁର ଇତ୍ୟାଦି ଜିଲ୍ଲାରେ ମଦର ହୋମ୍ ଡେଲିଭରି କରାଯାଇଛି। କଟକ ବାଦାମବାଡ଼ିର ଏକ ରେଷ୍ଟୁରାଣ୍ଟ୍ ଏବ˚ ସାଲେପୁରରେ ମଦ ହୋ୍ମ ଡେଲିଭରି ମାଧ୍ୟମରେ ବିକ୍ରି କରାଯାଇଛି। କଟକ ଓ ଭୁବନେଶ୍ବରରେ ମଦ ମାଲିକଙ୍କ ଏମଜିକ୍ୟୁ ଛାଡ଼ ପାଇଁ ଯେଉଁ ଦାବି ଉଠିଥିଲା, ସେ ସବୁ ଆଜି ସମାଧାନ ହୋଇଯାଇଛି। ଆସନ୍ତାକାଲି ଓଡ଼ିଶାର ସମସ୍ତ ଜିଲ୍ଲାରେ ମଦ କାରବାର ଆରମ୍ଭ ହେବ। ଏମଜିକ୍ୟୁ ଛାଡ଼ କରିବାକୁ ଯେଉଁ ଦାବି କରାଯାଉଥିଲା ଉପଯୁକ୍ତ ଫୋରମରେ ଏ ସ˚କ୍ରାନ୍ତରେ ଆଲୋଚନା କରାଯିବ। ଜୋମାଟୋ ଏବ˚ ସ୍ବିଗିକୁ ଏନ୍ଓସି ଦିଆଯାଇଥିବା ବେଳେ ସେମାନେ ରିଟେଲର୍ଙ୍କ ସହିତ ଆଲୋଚନା କରି କାରବାର ଆରମ୍ଭ କରିବା ନେଇ ଅବକାରୀ କମିସନରଙ୍କ କାର୍ଯ୍ୟାଳୟ ପକ୍ଷରୁ ସୂଚନା ମିଳିଛି।