ଲକ୍ଷାଧିକ ଟଙ୍କାର ମଦ ଜବତ

ବିଂଝାରପୁର : ଅଳକୁଣ୍ଡ ଥାନା ପୁଲିସ ଗତକାଲି ବିଳମ୍ବିତ ରାତିରେ ଲକ୍ଷାଧିକ ଟଙ୍କାର ଚୋରାମଦ ଜବତ କରିବା ସହ ଏକ ଡାଲା ଅଟୋକୁ ଜବତ କରିଛି। ଗାଡ଼ିର ଡ୍ରାଇଭର ବିମଳ ଚନ୍ଦ୍ର ସାମଲକୁ ଗିରଫକରି କୋର୍ଟଚାଲାଣ କରାଯାଇଛି। ଜବତ ମଦର ପରିମାଣ ୧୬୪ ଲିଟର ଓ ଏହାର ମୂଲ୍ୟ ଏକଲକ୍ଷ ୨୦ ହଜାର ଟଙ୍କା ବୋଲି ଜଣାଯାଇଛି।

ମଦ ଚାଲାଣ ସଂକ୍ରାନ୍ତରେ ଖବରପାଇ ଅଳକୁଣ୍ଡ ଆଇଆଇସି ପ୍ରଶାନ୍ତ କୁମାର ଦାଶ ସଦଳବେଳେ ବିଂଝାରପୁର ବ୍ଲକ ହଳଦୀଡିହ-ନାଉବାଙ୍କ ରାସ୍ତାରେ ଜଗିଥିଲେ। ବିଳମ୍ବିତ ରାତିରେ ଓଡି ୪୩ କ୍ୟୁ ୮୪୫୫ ଡାଲା ଅଟୋଟି ପ୍ରୀତିପୁରକୁ ଯାଉଥିଲା। ଯାଞ୍ଚ କରିବାରୁ ସେଥିରେ ୧୯ ପେଟି ମଦ ଥିବା ଦେଖିବାକୁ ମିଳିଥିଲା। ଏ ସଂକ୍ରାନ୍ତରେ ୯/୨୩ରେ ମାମଲା ରୁଜୁ ହୋଇଛି।