ଭଦ୍ରକ: ସଟଡାଉନ ପାଇଁ ଭଦ୍ରକରେ କର୍ଫ୍ୟୁ ଲାଗିଥିବା ବେଳେ ୧୨ ପ୍ଲାଟୁନ୍ ଫୋର୍ସ ସହରରେ ମୁତୟନ ହୋଇଛନ୍ତି। ସହରରେ ଗତକାଲି ରାତି ଓ ଆଜି ଦିନରେ ବାଲେଶ୍ଵର ଆଇଜି ପୁଲିସ ଦିପ୍ତେଶ୍ ପଟ୍ଟନାୟକ, ଭଦ୍ରକ ଏସପି ରାଜେଶ ପଣ୍ଡିତ ଓ ବରିଷ୍ଠ ପୋଲିସ ଅଧିକାରୀମାନେ ପଇଁତରା ମାରୁଛନ୍ତି । ତେବେ ଆଜି ନିୟମ ଭଙ୍ଗକରିବାକୁ ନେଇ ଭଦ୍ରକ ଟାଉନ୍ ଥାନାରେ ୯ ମାମଲା ଓ ଭଦ୍ରକ ପୁରୁଣା ବଜାର ଥାନାରେ ୭ ମାମଲା ରୁଜୁ କରାଯାଇଛି | ମୋଟ ୧୬ ଟି ମାମଲା ରୁଜୁ ହୋଇଥିବାବେଳେ ୧୬ ଜଣ ନିୟମ ଭାଙ୍ଗି ସହରରେ ବୁଲୁଥିବାର ୧୪ ଦିନ କ୍ଵାରେଣ୍ଟାଇନରେ ଭଦ୍ରକ ଜିଲ୍ଲା ସ୍କୁଲ କେନ୍ଦ୍ରରେ ରଖାଯାଇଛି।
Sambad is now on WhatsApp
Join and get latest news updates delivered to you via WhatsApp
ଭଦ୍ରକ ସହରରୁ ଗତକାଲି ସୁଦ୍ଧା ୩ ଜଣ କରୋନା ରୋଗୀ ଚିହ୍ନଟ ହେବାପରେ ସହରକୁ ଆଜି ସାନିଟାଇଜ କରାଯାଉଛି। ଏଥିଲାଗି ୫ ଟି ଦମକଳ ଗାଡ଼ି ଲାଗି ସହରର ରାସ୍ତାଘାଟରେ ରାସାୟନିକ ପାଣି ସ୍ପ୍ରେ କରୁଛନ୍ତି।
୩ ଜଣ କରୋନା ରୋଗୀ ଚିହ୍ନଟ ହେବା ପରେ ସହରରେ ଆତଙ୍କ ଖେଳିଯାଇଛି। ଜିଲ୍ଲାରେ ୫୬ ଜଣଙ୍କ ରକ୍ତ ନମୂନା ପରୀକ୍ଷା ହେବାକୁ ଯାଇଥିବାବେଳେ ଏମାନଙ୍କ ଭିତରୁ ୩ ଜଣଙ୍କର ରକ୍ତ ନମୁନା ପଜିଟିଭ ବାହାରିଛି। ଅନ୍ୟପଟେ କଟକ ସହରରେ ବି ଆଜି ସଟଡାଉନର ପ୍ରଭାବ ଦେଖିବାକୁ ମିଳିଛି | କଟକର ଗଳିକନ୍ଦି ଶୂନଶାନ ହୋଇଯାଇଥିବାବେଳେ ଛକମାନଙ୍କରେ ପୁଲିସ ମୁତୟନ ହୋଇଛନ୍ତି |